تعال ياعلي الدجيما بيني وبينـك كـلام =نظام ساهر سجل اللوحه وكـل رقومهـا
احيان مالومك وبعض احيان يلحقك الملام =والبدو ياعلي الدجيما ماتكـب سلومهـا
علي حميدان الدجيمى
جيتك يابو راكان واشيل الفشق وسط الحزام=ناسن نصحيها وناسن تهتني فـي نومهـا
انتـه مزايمنـي منـول يالعلـك لـزيـام=ومن بعد رحت الناس قدامي تطش اهدومها
مــــلفـــي الــمــيزانـــي
ياحر ياللي صار تال الوقت طلعك للحمام=حتى السما شرهت فيها تاتخم نجومهـا
عزالله اني يوم قلطتك على حيد السنـام=مابيك تقلط في محل اللي تعادي قومهـا
علي حميدان الدجيمى
ماني سواتك ضعت تال الوقت في وسط الزحام=وقعت وسط الغبـه اللـي ماقـدرت اتعومهـا
لاكن خلك محتـرم تفـرض علـي الاحتـرام=والنـاس لارزت بيارقهـا فركـت اخشومهـا
مــــلفـــي الــمــيزانـــي
ياعلي ماحصلت في روس الضبا غير العظام=وخليتها للي سواتـك ماتعـرف قسومهـا
يامحترم خلك نظامـي لاتلاعـب فالنظـام=ولاتأمن الحيه على مثلك تـرش سمومهـا
علي حميدان الدجيمى
لاتضلم الاجواد ياملفي ترا الغيبه حـرام=والناس دون احقوقها بافعالها مالومهـا
ماني مدور من ورا الحيه شراب ولاطعام=وميز اعقول النشاما ملتفـت لجرومهـا
مــــلفـــي الــمــيزانـــي
وشبك رميت الدلو وسط البير وورودك حيام=وانته منـول فالشدايـد ياعلـي زيزومهـا
شعيل لامنه هـدر مايرغـي الا بالخطـام=وطيور شلوى لاتخاويها وتتـرك حومهـا
علي حميدان الدجيمى
انته تحب الحرب ياملفي ولاتبغـا السـلام=وهل الختوم اللي توقعلك سرقت اختومهـا
وانا معي كرت العبوراروح شرق اروح شام=وعرف ويش السلعه اللي لابغيت اسومهـا
مــــلفـــي الــمــيزانـــي
تبا الصراحه ياعلي ما والله بوضعك تمام=مره تناوشها ومـره تلتـوي فكمومهـا
والله مالومك نايمن ليلك وسرتك الحـلام=بعض العرب حسب مخدتها تصير حلومها
علي حميدان الدجيمى
انا اشهد انك داهيه لاصحت يصحون النيام=حتا الليال البيض في تال النهار تصومها
احدن يبكيه الحزن وحدن يسريـه الغـرام=وزريت اميز بين شجعان البشر ورخومها