قرب ياعلي

لو كتبناها وذيعة فالروادي=استغلتها الرياجيل الضعيفه

كل ماحطيت الاصبع فالزنادي= قلت ابو حسين ماينضام ضيفه

ابو ركان الله يعافيكم انتهينا

صحه السنتكم جميعا وبيض الله وجيهكم ومبدعين. وسوف اقوم بتنسيق المحاورة

المشاركة الأصلية كتبت بواسطة علي حميدان الدجيما

لو كتبناها وذيعة فالروادي=استغلتها الرياجيل الضعيفه

كل ماحطيت الاصبع فالزنادي= قلت ابو حسين ماينضام ضيفه

صح لسانك يابوحسين

محاوره في قمت الروعه ولاهي غريبه عليكم فأنتم شعراء بمعنى الكلمه

وبيض الله وجيهكم على ماقمتم به وبنتظاركم في محاورات قادمه

لولا غلاكم ماتعنى ولاجيت = وريحت رجلي متعنى قدمها
بساحت بني شلاح شاركت واوفيت = وساحت مطير ايضاء رفعنا علمها
وبني عزيز مع الشواعير خاويت = والنفس في درب الدرى مانهزمها

ضيفه ههههه صح لسانك يابو حسين ولاهنت وتصبح على خير

الجميع صحت ابدانكم ولاهنتووو وتصبحون على خير

صح لسانك يالسيف القاطع وانت خير من يمثل الموازين في انواع الشعر

سوا محاوره او نضم ونتمنا مواصلتك معنا وانا موصي ابن مصاول عساه

يمسك الوصاه هههههههههههه

ابوضيف الله الموصا غيره هو حريص على شعار الموازين

المحاورة بتاريخ 2/11/1430

السيف القاطع

مرحبا في مرحبا والنور بادي=بالرجال اللي مواقفهم طريفه
ياعلي قبل ارمضان وفالعيادي=ناوين ياعلي تحدث لك وظيفه


علي حميدان

البقا ثـم البقـا والجـو هـادي =بالشريف اللي مواقيفـه شريفـه

ياعسا علمك صحيح ولنت غادي =مانبا اخبار المجلـه والصحيفـه


السيف القاطع

علمنا صحيح مثبوت و كادي=مانجيب الك العلوم اللي خفيفه
انت ذاك الحين تسعى للجهادي=تتلي النعمان وتنـادي حذيفـه

علي حميدان

الله يخليـك دايـم فالمـرادي =نختلف وقلوبنا دايـم نضيفـه

والسوالف كثر عمدان الجرادي=ماذبح راع الشـداد الارديفـه


السيف القاطع

ماختلفنا ياعلي يومـك تنـادي=يوم قلت ان الغنايم بالنصيفـه
انت يم الحر وهقـك البـرادي=والدروب اطوال والطرقه كليفه


علي حميدان

يوم انادي وضعكم ماهو بعـادي=تحسبون المستوي وادي حنيفـه

وانت تعرفني ليا صار العنـادي=اطرد الفارس عن احصانه وسيفه



السيف القاطع

وضعنا عادي ولا حاصل نكادي=شركم جا من منيف اخو منيفه
وانت حملك تالي الايـام زادي=والسنين الشهب متعبتن مخيفـه



علي حميدان

الخيال اللي يسيـل كـل وادي=عرض الشاوي ملاهيب الحتيفه

وانت تصلح للقياده يالقيـادي=اترك النعمان ومنيف ووليفـه


السيف القاطع

للخيال اللي تخيله جيت بـادي=وابتلشتوو مع لطيف ومع لطيفه
لاتمشيها على الحزم السنـادي=انتبه بعض التعب ماله خليفـه



علي حميدان

لو كتبناها وذيعـة فالـروادي=استغلتها الرياجيل الضعيفـه

كل ماحطيت الاصبع فالزنادي=قلت ابو حسين ماينضام ضيفه