جديد أحمد نصار محفوضه لشبكة المرقاب

غير متواجد حالياً

الليله الليله سرجت الخيل والديره ضلام=والمهره اللي فوقها الخيال ماحدن حدها
ونصيت بيت الشعر وباخذ من جزال الكلام=والا الهروج الناكسه عيني لها مالدها
مالد عيني غير يم الجو من فوق الغمام=وليا كتبت يمناي من جزل الشعر ماردها
واصبحت في بيت الشعر شاعر ولي قدر ومقام=ودامي مشيت الطرقه الصعبه تراني قدها
وانا ترى شاعر ولي مبدا واعرف الاحترام=والطعنه اللي تنتويني من قفا ماردها
وفي هالزمن هاذا ترى ضاع الحلال امع الحرام=حتى الرفيق اللي مقدم لزمتي ماسدها
وانا لو اني ماخذيت مع الوفيين الوسام=كان القصيده ذي عليكم والله ان ماعدها
شعري حفضته والشعار الى الامام الى الامام=وهاذي ذلول الشعر وسمي واضحٍ في خدها
حنا نعرف الشعر من مبطي من عصورٍ قدام=وايدينا يم الطوال النايفات انمدها
واليا ابتدت حرب القصيد انعن وانشد الحزام=ومخربين الشعر نلعنها ونلعن جدها
نمشي بطرقتنا على حسب اللوايح والنضام=والفكره الجزله على سير الطريق نكدها
مانبني بيوتٍ على وجه الزمن صارت حطام=نبني بيوتٍ عاليه ونزيد قوة شدها
والا انت ياللي بانيلك فالخلا اربع خيام=بكره ليا جات الهبوب العاتيه بتهدها
الناس تبني من حجر وتجمل البني برخام=تخسر من المال الكثير ولاتحسب عدها
وانا خذيت الموهبه غصبٍ على كل الانام=من ربي المعبود معطي كل نفس بيدها
وشعري بحفضه خوف يلحقني من الناقد ملام=وصقور شعري يم جزلات القصيد اهدها
ماني مثل ناسٍ تخبي روسها مثل النعام=ناسٍ على كل الملا دايم تبيح سدها
انا الذي صارعت في بحر الشعر لي كم عام=واللي خذته النفس من فضل الكريم وجدها
نمشي لو ان الدرب ماينشاف من كثر العسام=والحاسد اللي يرمي الرميه ترانا نصدها
كذا كذا والا كذا مانطيق درب الانهزام=لو اكثر العربان نصرتنا كذا ماودها
واختامها يالمستمع تحيةٍ بازكى سلام=من شاعرٍ غاص البحور بجزرها مع مدها