" الصقر ينفض غباره "

ياحرفي اللي فيه روس الكباريت=لا ناش بارود القهر شب ناره
فعله كما نسف الجبل بالدناميت=لا طارت طْيوره تميّز حراره
احيان يقدح نار من دون توقيت=والحين وقته حان يقدح شراره
لاخواننا في سوريا يغلي الزيت=لا دين فينا لا عرب لا نعاره
اخواننا تحت القهر والطواغيت=بالقتل والتشريد في كل حاره
اليا متى نبقى على لو وياليت=والحلّ تحت القصف ندرس قراره
الذلّ فينا يالعرب ما ترك بيت=والعزّ ناشه كسْر ماله جباره
صرنا سببهم ضحكةٍ للشماميت=في وضع ما يحسد على كل غاره
يوم الحديا بالظفر جالها صيت=والصقر ينفض فالجحاره غباره
والله مابكيهم بعد ماتخليت=عنهم .. وكلٍّ جنة الخلد داره
ابكي عربنا الدم بعروقهم ميت=محدٍ لهم مقبول منه اعتذاره
يالله يا ناصر ببابيلك البيت=عجّل على الشام الفرح بانتصاره

اللهم انصر اخواننا المسلمين في سوريااا

صح لسانك اخوي عبدالعزيز ويعطيك العافية

صح لسانك على القصيده

صح لسانك ياخوي عبد العزيز على هالقصيده الشامخه
ونسأل الله لاخواننا بسوريا بالنصر القريب
.

صراحة أخي عبدالعزيز أن قصيدتك هذه من أجمل ما قرأت من قصائد تترجم وضع اخواننا في سوريا وتخاذلنا في نصرتهم..فصح لسانك مليون المرات

ونحن للأسف مقصرون جداً ولكن ما بليد حيلة ما دمنا مسيرون لا مخيرون فالشعوب الحرة هي من تصنع القرارات أما نحن العرب فللأسف لا قرارات ولا قوة حسية أو معنوية.

قضية سوريا معقدة جداً للغايه والحل لن يكون إلا عن طريق الشعب نفسه ولكن للأسف سوف يكون على جثث كثيرة , من بعدها سيرى الجيل القادم الحرية والنصر بإذن الله ويغادرون هذا النظام الدكتاتوري النصيري اللعين الى غير رجعه.

ويبقى السؤال الكبير"متى سينفض الصقر الغبار"؟؟

صح لسانك اخوي عبد العزيز الشاطري
والله ينصر أخواننا في سوريا أنه سميع مجيب
تحياتي وتقديري لك

صح لسانك اخوي عبدالعزيز قصيدة موقف قويه اسأل الله ان بعجل بنصر اخواننا بسوريا

السلام عليكم ورحمة الله وبركاته وبعد /

قصيدة جميلة وعاطفة صادقة تصور شعب مكلوم نسأل الله أن يحقق له النصر إذ لانملك لهم إلا الدعاء .

ودمتم سالمين .