" عقلي هنااااك "

يا ذيب ياللي تعلّيت المراقيب=ما جبت لي علم عن ذيبٍ تعداك ?
ذيبٍ يعشيه ناب العز والطيب=زاد بْعلوم المراجل عن مزاياك
لا قلت نشمي على اسْمه تربية ذيب=ذيبٍ ولد ذيب بالافعال شرواك
من يوم روّح بقدرة عالم الغيب=في داخلي كل ليله صيحة عواك
ودي اخاويك لكن فرية الجيب=شوفك يطرّيه لي وادعي بفرقاك
لكن خلك وجاوبني وانا اجيب=اعْواي همّ وحزن وعْواك عشاك
فرقى الحبايب يهزّ القلب تعذيب=ياليتني معك يا نشمي ولا نْعاك
من بعدك اشوف دنيايه مكاذيب=لانّي مكذب خبرك اللي تولاك
ماني مع الناس لآ اودّي ولآ جيب=بالجسم معهم ولكن عقلي هناك
في مجلسك والسوالف دون ترتيب=عفويةٍ ودّها ماتْفارق شفاك
وْقصايدك والرسايل والمكاتيب=وْشاطي بحر ينبع المشتاق لقياك
وْضحكاتك المشرقة بشفاك ماتغيب=وان ضقت محدٍ يشوفه من محياك
ياكثر ما زارني من بعدك الشيب=وْياكثر ما زرتني والحلم ملفاك
لا مرّ طيفك عليّه وضعي صعيب=وارتاح له وان توخّرت آتحراك
والله مانساك مع كثر الاصاحيب=حتى ولو جنّ عقلي منك مانساك
لو القدر فيك تكفيه المطاليب=يا كثرهم فالوطا ياخذهم فداك
ياجعل روحك شذاها العطر والطيب=وْرحمات ربي عن النيران تاقاك

صـــــــــح الساانك

صح لسانك ياخوي عبدالعزيز على القصيده الجزله والمؤثره
قصيده مليئه بالشجن والرثاء والوفاء لصاحبك
رحم الله نشمي واسكنه فسيح جناته
لك الود والتقدير ودمت بخير
.

صح لسانك اخوي عبد العزيز على الابيات الجميلة و المليئة بالشجن



الله يعطيك العافية


تقبل تقديري واحترامي

صح لسانك اخوي عبدالعزيز على القصيده الوافيه دمت بخير

صح لسانك
والله يرحمه ويرحم اموات المسلمين اجمعين

صح لسانك أخوي عبدالعزيز الشاطري

صح لسانك على القصيده