هاذي المجاراه حدثت بين الشيخ خالد بن وسمي الزنغوب رحمه الله واخيه الشيخ هوشان بن وسمي الزنغوب رحمه الله الذي اقعدهم المرض واجبرهم على عدم رؤيتهم لبعض وحدثت هاذهي المجاراه قبل وفاتهم بتسعة اشهر الذي لم يفرق بين وفاتهم سوا يومان فارسل الشيخ خالد هاذهي الابيـآت الي اخيه قالأ
:::::::::::::::::::::::::::::::::::::::::::::::: \الشيخ خالد بن وسمي الزنغوب (رحمه الله عليه)قالآ ::::::::::::::::::::::::::::::::::::::::::::::::
ياذيب ياللي في المقوقي وشوفان=اقنب وترا الصوت يالذيب نوحيه اقنب وعلمني عن الشيخ هوشان=وشلون حاله يوم طالت لياليه علم عنه ياذيب مافيه خسران=ماعلموني يوم مرو بنيخيه نمر النمور وعندنا مثل راكان=اللي مع العجمان نسمع بطاريه حدتني الدنيا وانا صرت مرضان=والعز ياهوشان ماني بناسيه لاجيك لونك ورا قصر عمان=وافك بابن مغلقاتًً مجاريه وياليت عقب الموت جنة وغفران=وكلن عسى ربي من النار ينجيه
:::::::::::::::::::::::::::::::::::::::::::::::: فرد اخيه الشيخ هوشان الزنغوب (رحمه الله عليه)قالآ ::::::::::::::::::::::::::::::::::::::::::::::::
ياذيب ياللي يم حسله ولوطان=خالد لزومن تنشده عن مشاكيه هات الخبر عساه ماهو بوجعان=رد الخـبر ليه ويـمـه تـوديـــه خطه وصلني جايبه لي سلطان=قلنا هلا با الخط واللي مسويه قلنا هلا واهلين يطير حوران=ياطيرنا يالي متعوقه مجانيه حرن ولد حرن وجده عبيان=سقم الحريب الليا تباين يعاليه الرجل ماهو دايم الدوم حيان=يصبر على مجاه والموت قافيه رحنا كما زرعن يبس راح همدان=جاه اليباس ويابساتٍ مثانيه وجدي على دورن مضى راح مافان=مرباعنا في نجد نرعا مراعيه ياللي بنيت البيت من دون عمدان=ياربنا اللي كل الايام نرجيه تحطني في جنتً وسط ريضان=عسى لهيب النار مجي تواليه
رد: مجارهـ بين الشيخ خالد الزنغوب واخيه هوشان الزنغوب
كُتب : [ 20 - 02 - 10
- 02:22 PM ]
صح لسان الشاعر خالد بن وسمي الزنغوب الله يرحمه ويسكنه الجنه على المجاره الاخيه الشاعر هوشان بن وسمي الزنغوب رحمة الله عليه قبل وفاتهم كلا يتسائل عن حال الثاني وهذي حالة الدنياء لابد من الفراق .
الف شكر لك اخي متعب الزنغوب على النقل الرائع والموفق لاهنت
رد: مجارهـ بين الشيخ خالد الزنغوب واخيه هوشان الزنغوب
كُتب : [ 20 - 02 - 10
- 03:55 PM ]
الله يرحم الشيخ خالد بن وسمي الزراقي
ويرحم الشيخ هوشان بن وسمي الزراقي
ويسكنهم فسيح جناته اللهم ااامين
اخوي متعب فيه رديه سمعت من قبل
للشاعرين: خالد .. هوشان
اللي يقول::
راكب اللي يوم دارت مروحتها
من هل الدمام طارت للمدينه
ارجومنك نقلها اذا كنت تعرفها
تقبل تحياتي وتقديري,,
صالح طلاق الزراقي
الجد زراقـي وحنـا زراريـق=والناس لنـا تعتـرف وتعرفنـا
مثل الجبال الشامخات الشواهيـق=ماهمنا صفق الهواء في طرفنـا
رجالنا معروف في ساعة الضيق=يكفي عن اللي غايبٍ من سلفنا
وافعالنا ماهـي دعايـه وتلفيـق=وتشهد لنا وقفاتنـا اللـي وقفنـا
خصيمنا يغشى من الغبن ويفيـق=لو يجتهد ماردنـا عـن هدفنـا
ماعمرنا خفنـا وعشنـا مدانيـق=الا من اللي كوّن الكـون خفنـا
يشهد لنا المعبود رب المخاليـق=اللي علـى تقـواه نحيـا ونفنـا
رد: مجارهـ بين الشيخ خالد الزنغوب واخيه هوشان الزنغوب
كُتب : [ 20 - 02 - 10
- 04:11 PM ]
اقتباس:
المشاركة الأصلية كتبت بواسطة عز الخوي
صح لسان الشاعر خالد بن وسمي الزنغوب الله يرحمه ويسكنه الجنه على المجاره الاخيه الشاعر هوشان بن وسمي الزنغوب رحمة الله عليه قبل وفاتهم كلا يتسائل عن حال الثاني وهذي حالة الدنياء لابد من الفراق .
الف شكر لك اخي متعب الزنغوب على النقل الرائع والموفق لاهنت
رد: مجارهـ بين الشيخ خالد الزنغوب واخيه هوشان الزنغوب
كُتب : [ 21 - 02 - 10
- 09:25 AM ]
رحمهم الله , وأجزل لهم الثواب .
ذوي وسمي شعراء كبار .
أنا أعتبر والدهم وسمي الزنغوب , وكذلك أخوهم عنزي ابن وسمي , أكبر شعراء الموازين .
ولكن نتاجهم الشعري للأسف يكاد يطويه النسيان بفعل عدم اهتمام المقربين منهم , وياليت بالذات البحث عن أشعار عنزي ابن وسمي وتدوينها لأنها قصائد رائعة وجزلة .