لعل بيتآ مابه دلال ووجار=ينهد من ساسه وتسقط ركونه
تنهد جدرانه على كل الاقطار=ويطيح من عاليه ويزيل لونه
حيثآ ماله لرياجيل مقدار=ولاحدن على مثله تزايد غبونه
البيت بيت مكرم ً كل خطار=اللى على الجزله تشاخص عيونه
مقلطً لضيف له بن وبهار=وصنيتً للحيل للي يجونه
مجالسً فيها سواليف وذكار=ووقت الصلاه انحل مايجهلونه
للخيل خياله ولشعر شعار=وافعالهم منها العداه مغبونه
ماهي مجاليس الحكي والتثرثار=طرادت النمه يحدد سنونه
ولد الردي دايم على الربع سبار=ولجل المعادي ماتسرك ظعونه
دايم على الهزله مخادع ومكار=ونفسه على الجزله تحاديه دونه
عليك باالطيب سند كل من بار=لكبرت الشطه قويه متونه
يعجبك في ممشاه من دار في دار=ويشيل حملك ماتزايد طعونه
الحر حر وله مسابيق ووكار=والبوم ماعمر العرب ايذكرونه
لــعل بيتـــآ مابـه دلال ووجـار && ينهد من ساسه وتسقـط ركونـه
تنهد جدرانه على كل الاقطـار && ويطـيح من عاليه ويزيـل لونــه
صح لسانك يا ابو عايض قصيده جزله شهادتي فيك مجروحه والشعر اخذه وراثه من ابوك وجدك
الجد زراقـي وحنـا زراريـق=والناس لنـا تعتـرف وتعرفنـا
مثل الجبال الشامخات الشواهيـق=ماهمنا صفق الهواء في طرفنـا
رجالنا معروف في ساعة الضيق=يكفي عن اللي غايبٍ من سلفنا
وافعالنا ماهـي دعايـه وتلفيـق=وتشهد لنا وقفاتنـا اللـي وقفنـا
خصيمنا يغشى من الغبن ويفيـق=لو يجتهد ماردنـا عـن هدفنـا
ماعمرنا خفنـا وعشنـا مدانيـق=الا من اللي كوّن الكـون خفنـا
يشهد لنا المعبود رب المخاليـق=اللي علـى تقـواه نحيـا ونفنـا