هل تذكر كم كان وزنك أثناء الولادة ؟؟
ما وزنت نفسي وأنا كبيرة عاد بسأل عن وزني وانا بيبي .
إيش لعبتك المفضلة وإنت صغير؟؟
فيه لعبه نسميها الخطة واللي هي نرسم مربعات على الأرض ونرجم فيها حصاة ونرفع رجل ونطمر نروح ناخذها . كنا إدمان عليها حتى بالمدرسة وقت الفسحة ما نفطر نقعد نلعبها . وفيه بعد الحبشة أتوقع تعرفونها وأيضا الغميضة اللي نتخبى وأحد يدورنا نقعد يوم كامل وحنا متوزين خايفين لا يمسكنا . وفيه لعبة ( الجدة والخال والزقطة ) يمكن العجز والشيبان يعرفونها لأنها ألعابهم .
نشيد كنت تحبه أيامم الطفوله ؟؟
الله رب الخلقي أمدنا بالرزقي إذا دعاه الداعي .. والله حافظتها حتى الحين ..
وذيك أمي تناديني تبي تحنيني والحناء فوق الجبل والجبل يبغى حشيش والحشيش يبغى مطر ومدري أيش والبقرة تبغى حليب والحليب عند العروس والعروس تبغى فلوس والفلوس عند النجار .. سالفة طويلة .
شخصيه كرتونيه كنت تحبها ؟؟
هايدي يحليلها تجي حتى الآن .. وزورو صرااااحة خطييييير ..
وحيوان اسمه الظاهر عبقور وصديقه اسمه عامر يضحكون .
والولد اللي يسوي حركات كراتيه وكنغفو رهيييبة مرررة .. وموكلي والليث الأبيض كثار صرااحة ..
كيف كنت ايام طفولتك شيطاني ولامؤدب ؟؟
مؤدبة وبقوة ولله الحمد ..
ماهي الموقف اللي عرضت فيها اهلك للاحراج؟؟
أختي وليس أنا .. أنا أشوف من بعيد لبعيد .. جيرانا الله يسامحهم عيالهم كأنهم بإنتفاضة القدس دايم يحذفونا بحصى وكسروا لمبات السور والدرايش والمشكلة البيت كان إيجار مو لنا . ومرة حذفونا وصابت الحصاة ركبة أختي الأكبر مني ونزف دمها وأختي الأكبر منها عصبت وراحت لبيتهم ودخلت على أبوهم في المجلس وكانت عنده قهوة الرياجيل العصر وهاوشته قدام خلق الله .. بعد هذا الموقف صار أبوي وهذا الجار كل واحد منهم منحرج من الثاني .. وشدينا وتركناهم ..
هل كنت شخص ذو شخصيه قويه أم مغلوب عليه ؟؟
موب قوية .. بس كنت أتبع اختي الأكبر مني وين ما تروح حتى لو تطب في النار ..
ويوم كبرت تبدلت الأحوال صارت هي تتبعني ..
موقف حصل في طفولتك كان له دور في تغيير مجرى حياتك؟؟
ما فيـــــــــــــــــه .
اكبر عيديه جمعته كم ؟؟ ومن مين ؟؟
محد يعطينا عيديه فلوس إلا أبوي .. والجماعة والجيران يعطونا حلاو موب زين ..نعطيه عيالهم إذا جونا ..
يوم كنتي صغيره تسوين جدايل والا كاريه ؟؟
ما عندنا إلا جدايل أو ذيل حصان..
يوم كنت طفل تلعب بكمبيوتر العائله ؟؟
مو طفل .. كبرت شوي
أيه سوبر ماريو .. والسيارة الحمراء اللي في سباق ما عمرنا فزنا فيها .. وذيك الأشكال اللي نرتبها مدري وش تسمى ..
يوم كنتي طفله تلبسين مريول المدرسه وشباصات ميكي ماوس وشرايط بيض ؟؟
ألبس تنورة ..
أكيد مريول وشرايط بيض وخضر ( ذابحتني الوطنية )ما قد اخترعوا الشباصات ..
من كـان يدلعك أكثر أبوك ِ او أمك ؟
كلهم .. بس وأنا صغيرة أبوي دايم ياخذني معه يمشيني ويشتري لي وإذا شافني أحد من اللي يعرفون أبوي طلعولي من هالخمسينات والميات وعطوني ( الله يرحم حالي الحين هههههه ) وإذا رجعنا للبيت وليا أختي الأكبر مني عند الباب تستقبلنا بالبكاء ( منقهرة مني ) ثم اخذها أبوي وراح يمشيها وأنا ما أنزل أروح معهم وهي تهاوشني تقول خلاص الحين أنا دوري بلحالي .. عاد شوفوا المعارك إذا رجعنا للبيت الله لا يوريكم ..
اســم دلعك بالطفوله لحد الان ينادونك فيـه ؟؟ وماهو ؟؟
إحم إحم ينادوني ال .... ( كملوا الفراغ التالي )
لحقت تتابع سبيستون ؟ ولا القناه الاولي بالصبح والعصريه كم افلام كرتون بالدش ؟؟
لحقت سبيس تون مع عيال أختي .. والقناة الأولى والثانية كنا متبطحين عندها حتى وهي مسكرة طالعة ذيك الخطوط الملونة نشوفها ..والأخبار قاهرتنا دايم نقول متى الحلقة الاخيرة . وبرنامج الفروسية غاثنا أعوذ بالله يوم كامل وها الخيول تعادا في التلفزيون .
وأبو صلعة اللي يجي بالقناة الثانية كل ظهر نشوفه متحمسين معه .
وتذكرون بابا فرحان وجدو سرحان وام الخير وسمورة . وجدي أبو فلاح . وافتح ياسمسم .. والله قبل برامج التلفزيون احسن من الحين .
بطفولتك كنت / ي تبكي إذا ماجلستي بالاول بالطابور اوالفصل ؟؟
لا والله ما أحب الأول .. دايم أجلس بالثاني بالفصل .
عندك لعبه موجوده من صغرك إلى الآلآن ؟ وماهي ؟؟
ما هي لعبة .. بس كنا نلعب فيها .. عندنا عربية حقت الرمل من وأنا صغيرة أركب على الطرف من قدام ورجولي تدلى وأختي الكبيرة تدفني .. ولحد الحين موجودة عيال أختي إذا جونا يلعبون فيها ( وراثة )شكلي بوديها للجنادرية صايرة تراث
وش اكـثـر حلاوة كنـت تحـبهاا ..؟
حلاونا المفضل البقل في الشاهي كل مغرب ..
وحلاو غندور المصاص اللي تطلع فيه علكة بعد ما تشقق السنتنا من المص .. الحين موجود بس مطورينه ..
ايش اسم اول مـدرس/ ـه درسك ..؟
شيخة ال .... ما يصير نشهر بالآدمية .
هـل كـنت تـعانـي مـن اخـطاء فـي مخـارج الحـروف ..؟
لا ولله الحمد ..
ومشكووووور أخوي السندباد ع إختياري ..
« آخـــر الـــمـــشـــاركــــات »
غير متواجد حالياً
رد: طــفــوولــه عضوو>> تخيلوو حيآتكم وآنتم أطفال^_^
