تفضل لا تتردد انت شاعر

الليل الليل

وانت من اهل الخير وسعدت ايضن معك بالعب وبحضور الاخوان


تصبحون على الف خير

ماقصرتوا ياشعارنا واشكر كل من تابع هذه المحاورة.وانتظروا تنسيق المحاورة

ياسلام ياسلام
ماقصرتوا محاوره قويه جدا
تحياتي لكم

المحاورة بتاريخ 22/4/1431هـ

محمد ماجد الميزاني
هلا يامرحبا ترحيب وافي والوفاء عنوان=عدد ما قيل قاف(ن) فالشعروالليل ميزاني
ليا مني بدعت القاف ما تطمع به القيفان=وانا أنته ياقبيلي لا تجي من غير برهاني

ابو سلطان المطيري
يدوم ابك البقا واليل تـوه ياولـد ميـزان=تراني ماقطع الفرجه لك الله غير بحصاني
مادام الخير واجد ياعميلي والعلوم سمـان=ليا دورتني في حـزة الميقـاف تلقانـي

محمد ماجد الميزاني
تحيزم وانت شاعر واقطع الفرجه يابو سلطان=لك الله ما يلبـي دعوتـي ياكـود سطلانـي
يدوم الخير ياراع الحصان الي عليه اعنـان=لقيتـك والحقيقـه والله انــك ماتعـدانـي


ابو سلطان المطيري
تراني ماتسلف بشت ابويه يا اسود الحجان=وماعرف الي قلب بشته ولا جيته ولا جاني
لامنك صرت يامحمد عميلي هدهد سليمان=نويت اعلمك بالعلم انـا مانـي سليمانـي

محمد ماجد الميزاني
وانا تاجر ولي احساب وادخل ساحة الميدان=ولا العب غير مع راع البيوت الي تحدانـي
وانا عندي خبر ياصاحبي ياطيرنا حـوارن=بدون اتعلم امحمد ترار الاول ماهـو ثانـي

ابو سلطان المطيري
بعد مازاد في تال الزمن لاهنت سعر الضان=ترى الشرهه على التجار ياتجار من دانـي
عسا ربي يسوق المزن ويهله على الصمان=انا لولا القحط ماشفتنـي ياطيـر حورانـي

محمد ماجد الميزاني
تزود اسعار ولا تنخفض لكك شان= وانا شانتسعر وانت ياراع البقاله تحـت الامزانـي
ليا مني وقفت ابموقفي خوفت انا الشجعان=اسوق العاصيه واطيعني من حبك قيفانـي

ابو سلطان المطيري
الا يابدو يالي ترقدون اليل في المرحـان=ياطيب التمر من فوق اللتيحه والعمر فاني
ليا منا رمينا مارمينا الا علـى النيشـان=وانا بهديك راس الذيب لاصوبه نيشانـي

محمد ماجد الميزاني
الا يابدو يالي تمسحون الصاج بالذرعان=يازين البر بعد المسح لا قطع ومن داني
يابو سلطان لامنك ذبحت الصيد فالخليان=تربع والهديـه الـك ماهـي لدليقانـي

ابو سلطان المطيري
ترى مالي ورى ذيك الهدامه في البلد مسكان=وراسٍ يستدير ابشـره بالسيـف شامانـي
وعدتك بالهديه وانت تستاهل بـلا حقـران=مادام انك شجاع ولك مع الشجعان ميدانـي

والله ماااا قصرتو بيض الله وجيهكم

ابدعتو كثير والله

لو أن يمناي ترقد ما تساعدني / والله لاقصها لو في حلا النومي / لوانها للحدبالقبر توردني /اصبر على مرها وان مت مرحومي/ ولا قولة للعدو اللي مواسدني/شوفوة قاعد وهو ماهوب محشومي/

صح لسانك يابو ماجد الميزاني ويابو سلطان الميزاني

صح ألسنتكم أخواني
محمد ماجد الميزاني
ابو سلطان المطيري
والله يعطيكم العافيه
شكراً لكل من عطر هذه الصفحات بحضوره
كما أشكر أبو راكان على تنسيق المحاوره

محاورة جداً رائعه وتسلمون يالشعار على هذه المحاورة التي تنعش قسم المحاورة بين أعضاء المنتديات

ولا هنت يا أبو راكان على التنسيق والمتابعه الدائمة للشعراء