يا وطنّا من هواجيس المعنّى .,.

الحمد لله الذي أنعم علينا نعمة الأمن والأمان في هذا البلد المعطاء
بعد ما كانت شبه الجزيرة حروب ومعارك .. صاروا عيال الحمايل أخوان و أصدقاء

المطيري والعتيبي و الحربي و الشمري و العنزي و البقمي و السلمي و الهذيلي و الجهني و الرشيدي و القحطاني والقرني و السبيعي و المالكي و الزهراني والغامدي و الهاجري و المري و اليامي و العجمي والبلوي والعطوي و الشهراني والهشري و الشمراني و الشراري و التميمي و الحارثي ووو إلخ ^^
و كل قبائل و عوائل الــحــضــر



أعزنا الله سبحانه بالدين الإسلامي و اجتمعنا على العز و مكارم العرب من كرم و شهامة و غيرها

يا وطنّا يا وطنّا يا وطنّا يا وطنّا = عاد يومك كل ما هبت ذعاذيع الهبايب

يا زمانٍ راح كنّا لين صرنا اليوم حنّا = السعد قسم لنا في دارنا و ابليس هايب

آه يا شبه الجزيرة ويش حالك يوم كنّـا = لين صرنا بأمر رب المعجزة ربع و حبايب

والعلم مرفوع والأبطال من دونه تثنّـا = خايب ٍ ياللي تزعزع دارنا والله خايب

انت ياللي في حمى ديرتك دايم ممتحنّــا = هـبّ يا مبداك يا فعلك بنا ويش انت جايب

الكرم والخير والنعمة وكل شيء نتمنّــا = جات من رب العطايا موهب النعمة وهايب

و لو حصل مهما حصل في دارنا منّـا و منّـا = و لو يشوب ثيابها ولباسها بعض الشوايب

ساعة الميقاف وأن دنّـت طبول الحرب دنّـا = ما تشوف إلا عيال المملكة وقت النوايب

نحـتـمـي مـيـقـافـهـا بالعزم والسيف المحنّــا = وندحر ضعاف النفوس ونحتزم وقت الصعايب

السهم و الدرع والشلفا على الرمح المطنّـا = عدةٍ نعتدها نبري بها جروحٍ عطايب

الشعوب تثور في الجمعة و حنا ما زعلنّـا = نعلن الفرحة بجمعتنا مهي جمعة مصايب

احمد الله واشكره باللي تمنّــا يا مهنّــا = اهتنى شعب السعودية شباب وكل شايب

وطالبك يالله تامنّــا و كف الشر عنّـا = و تسقي الدار السعودية من طهار السحايب

وتميزنا في دروب العلم والمعرفة بالرغم من تأخرنا عن الدول الغربية

عاد اليوم الوطني مرة أخرى لنتذكر نعمة الله سبحانه علينا من أمن و علم و تواصل وتطور في كل شيء

ومهما حصل من تقصير و غيره فليس هناك كامل إلا وجه الله سبحانه

هذه هي الدولة الــســعــوديـــة الــثــالــثــة أعزها الله بالدين و مكة المكرمة والمدينة

و أعزها بالشريعة و مذهب أهل السنة والجماعة و أعزها برجالها الوافيين و الصادقين


نايف أبا الصفا العضيلة ..


الـمـعـنّـى

مشاءالله اخوي المعنى طلعت شاعر ابيات رائعه في حب الوطن يعطيك العافية

ان شاءالله انتظر قصيدتي في اليوم الوطني السنة الجاية بإذن الله هههههههههه بحاول اكتبها من هالحين هههههههههه

صح لسانك أخوي المعنى والله يعطيك العافيه

صح لسانك اخوي المعنى قصيدة جميلة والوطن يستاهلز.احترامي

صح ابداعاتك اخوي

المشاركة الأصلية كتبت بواسطة عنود الصيد

مشاءالله اخوي المعنى طلعت شاعر ابيات رائعه في حب الوطن يعطيك العافية

ان شاءالله انتظر قصيدتي في اليوم الوطني السنة الجاية بإذن الله هههههههههه بحاول اكتبها من هالحين هههههههههه

شويعر شويعر هههههههههههههه

خلاص اكتبي القصيدة من الحين علشان تصير معلقة من المعلقات ^^


صح بدنك وحياك ..

المشاركة الأصلية كتبت بواسطة ملكة القوافي

صح لسانك أخوي المعنى والله يعطيك العافيه

صح بدنك

الله يعافيك ملكة القوافي

شاكر مرورك .,.

صح لسانك اخوي المعنى والله يعطيك العافيه

صح السانك اخوي المعنى ع الابيات الرائعه
لاهنت ~

المشاركة الأصلية كتبت بواسطة الذكريات

صح لسانك اخوي المعنى والله يعطيك العافيه

صح بدنك اختي الذكريات

شاكر مرورك ..