الشاعر اسمه عيضه الثبيتي شاعر ماهو مشهور ومن بويتاته مانشوف شئ مميز وسوار الذهب مايداني الشعراء اللي مايعرفون الشعر ويجربون حظهم وبيوت سوار الذهب للثبيتي مثل ضرب الرصاص
ونعطيكم المحاورة اللي كانت قصيره وكان موجود فالحفله شعراء معتبرين مثل حبيب والمورقي على مااظن وتدخل عيضه ودخوله كان تجريب حظ ولقى البيوت اللي يستاهلها
عيضه الثبيتي:
يامرحبا يالشاعر اللي من مطير** والملعبه قدام عينك عانها
والوقت قاسي والليالي تستدير** والمعرفه ماتنقفل بيبانها
سوار الذهب:
دام البقاء يا شاه مدري يابعير**خمسه سواء فاشكالها والوانها
ماشفت لي ميقات فالسيل الصغير**ياراحم الموتى ببيض اكفانها
عيضه الثبيتي:
لا بله الا بعير واهادر هدير ** والشاه تعرف من مشي كرعانها
والله لدفك دف فالبحر الغزير ** والا على حيه تمد السانها
سوار الذهب:
اشهد عليك انك مجم وخوش بير ** لو الظوامي كسرت حيضانها
تبغى الصحيح انك عدم مافيك خير** جبال بومتها مثل شيهانها
عيضه الثبيتي:
واشهد علاك انك يابن غازي غدير** ومطير قوم طحلبت غدرانها
لا والله الا صار فالمطران عير** والله يرحم عيرها وحصانها