يامرحبا باللي لفانا زياره=ترحيبت الغالي اليا جاء لغاليه
ترحيبتاً باللي تزايد وقاره=عداد ما فالارض خطت مواطيه
رجلً على الطولات عنده مهاره=يستاهل النوماس من يفتخر فيه
كل المراجل حطها في مساره=والله مايخسر واحدً يحتذي فيه
نمر تسلسل من عرين النماره=متسلسلً من راس عودً يحاليه
فالمنتدى الراقي يقود الاماره=اماره الحاضر وتُربط بماضيه
مدالجه للخصم فيهم نعاره=تاريخهم معروف ياجاهلً فيه
حطو على كبد المعادي حراره=خسران من رجال مدلج يعاديه
رغم العمل ميزان حطه شعاره=لجل القبيله كل وقته مقضيه
مهو من الي ضاع وقته خساره=ثاقب نظر وينومسنه هقاويه
ربعي ذوي ميزان فيهم جباره=فالمرجله رجالهم من يباريه
وان حظر الشيطان معنا جماره=خوينا فالازمه مانخليه
من فعلنا كم واحدً فالمعاره=خلي عشىً للذيب ساعة مساريه
ويقطعك يارجلً بليا مراره=احرص على الطيب وخلك مخاويه

وسلامة الجميع