مسجون ف العشه عيونه مغاوير عقب الفضا ومطارده للحباري

لا والله الي قربت ربطه الطير=مع ربطته معاد نبغى البراري
في عشتن مترين مربوط بالسير=القيض كله لين تبداء الصفاري
مسجون فالعشه عيونه مغاوير=عقب الفضاء ومطارده للحباري
راعيه عقب الجيب في موتر صغير=بدل صغيره عقب جيب السفاري
وعقب القنص تحت المكيف مخامير=معاد نطلع من محيط الحواري
ونوسع الخاطر ابعض المسايير=ولاعاد يذكر للمقانيص طاري
نسوق بالورعان تبع المشاوير=الوقت متغير علينا اجباري
ومطول ليالي القيض عند الصقاقير=وفصل الشتاء يمر منته بداري
ونجم الجنوب اليا طلع له تباشير=ويصير للصقار حالة طواري
اليا طلع والوسم مزنه مزابير=من اول بكور الوسم ملئ الخباري
ساقها على الصمان وال المقادير=سيله على حسنه وهاك المحاري
توارده بدو(ن) تسوق المظاهير=قبل الكباين يسحب(ن) بالواري
يوم البداوه والرجال المشاهير=على الركايب يقطعون الصحاري
دنياً تبي من كامل العقل تفسير=والخبل في غفله ولاهو بداري
كثر المهايط والليالي مدابير=كل(ن) على عمياه بالليل ساري
سبحان رب(ن) دبر الكون تدبير=الواحد اللي للخفيات

داري

صح لسااااااااااااانك يابو نافع ملايين ولايسدون

جزله من رأس جزل,,وهالقصيده اعفتك من عتاب الغياب

تقبلي مروري واعجابي بماتكتبه من شعر (ياعميد الشعراء)

الله الله
صح لسانك شاعر جزل وحرف فاخر

صح لسانك اخوووي

ابووو نافع

صح السانك يابو نافع على القصيده لجزله وبيض الله وجهك يالزحزوح

صح لسانك يابونافع

قصيدهـ جزله ولاهنت

ابو راكا ن الر حب تر احيب المطر تحيا تي يا ابن العم

الله الله يا ابو نافع صح لسانك ولاهنت يالغالي وقصيده جزله من شاعر كبير وهرم لا يعشق سوا الجزاله وتقبل اعجابي

اهلين بشا عره المبد عه شو هيهينه الهيلا

الا خ صا لح طلق الزراقي اهلين والد ميزان كل شكر والحترام