بسم الله الرحمن الرحيم

السلام عليكم ورحمة الله وبركاته وبعد



اقدم لكم نصي المتواضع وهو اهداء للأخ العزيز والغالي

العقيد/ عبدالله بن عبدالوهاب ابراهيم النفيسه العفاسي من بريه

لكونه ترشح لمنصب ادراه مؤخراً علماً بأنه ليس بغريب عليه كونه سبق وان ترشح لمنصب ادراه سابق

وهو توجد به الفزعه والحميه العوجاء وعشير نشامى



وليكم النص المتواضع/



/
/
/
/

تستاهل الطيب راع الطيب عبـدالله=وتستاهل العز راع العـز وتطولـه
اناشهد انك كفو المنصب وراعلٌـه=واناشهد انك من اهل الطيب وفحوله
وانا شهد انك تعقد الحبـل وتحلٌـه=واناشهد انك من رجالن لها صولـه
في مجدنا الماضي التاريخ سجلٌـه=نبذه من افعالكـم ماهيـب معقولـه
ربعي بني بريه اهل الفعل بالجملٌـه=عشرة رياجيل منكم وقفـوا دولـه
والطايره بالسما من بعد فضـل الله=ماكنٌها الا خشب بالنـار مشعولـه
ماهي غريبه ترشح وانـت كفولٌـه=منصب اداره وانا افخر يومي اقوله
لانك لنـا باللـوازم سيفـن نسلٌـه=ولانك لنا فزعتن ماهيب مجهولـه
وختام مبروك ذالمنصب وذالحلٌـه=وتستاهل العز راع العـز وتنولـه

وتقبلوا خالص ودي وتقديري



أخوكم فزاع