المشاركة الأصلية كتبت بواسطة ابن مصاول الميزاني صورة الشيخ/ شارع بن عوض بن مدلج عندما كان في دولة الكويت عام 1399هــ

يا مرحبا بالخط ترحيب غالي=من خاطرن مابه من الشين وسواس
يا بو عوض خطٍ زعجته لغالي=ومكتوبك الغالي على العين والراس
واللي جرالك يا فتى قد جرالي=ولا خير في بيتٍ جداره بلا ساس
عزك لنفسك عن محل الرذالي=أخير لك من مقعد الذل والياس
البعد ما يذرب شجيع العيالي=كم واحدٍ عقب البطا جاب نوماس
ولا بد مايذكر اليا جا مجالي=بقولٍ شجيع وللمهابات دعاس
وله ماقفن عن خطو الأنذال عالي=يوم أن خطو الاش يذكربالأدناس
ويشكر كما يشكر ذياب الهلالي=ولا كليب وقصته قبل جساس
ولجتي لجت مهيف المحالي=فوق أربعٍ كنس وبالحال غطاس
سواقهن كرب لهن الحبالي=ومواجرن مع بذرت الزرع رواس
من واهجن بالقلب مثل الملالي=كنه يقلب له على كير نحاس
والحال من كثر الهناديب بالي=والليله أمسى القلب ذاكر ومنحاس
من عقب مكتوب الشقيق الموالي=يذكر به الجاري وأنا أقول لا باس
وكتبت في صافي الورق ما طرالي=وحاشت بي العبره بعد سهر وعماس
وتركت باقي القاف مما بدالي=وقامت هناديب الضماير تجي أجناس
الرجل يعرف بالوفا والكمالي=وألا البطا ما عاب راكان ودباس
تغربوا عن دارهم والأهالي=على ثمان أسنين وألفوا بعد ياس
هذا وصلى الله عزيز الجلالي=على النبي عدت ذعاذيع نسناس