جاري هباس السبيعي وزمان العولمه

أرسل لي جاري هذه الرسالة قبل ثلاث ساعات يقول فيها:

بعدكم يا أبو ضيف الله فقدنا الكثير من الإجتماعات والمجالس الطيبة بين بعضنا من الجيران الطيبين وتهيضت بهذه الأبيات"خواطر وليست أبيات"

وهذه هي قصيدته :

في زمان العلومه جتنا المساوي=مجتمعنا جاه عادات دخيله
صرت كني يا أبو ضيف الله خلاوي=وسط حيٍ كل رايح في سبيله
صار جاري يا أبو ضيف الله حساوي=لا يجي يمي ولا يرضى واجيله
ليتها بالغصب ولا بالمناوي=وأبعده عن جيريتي واطلب بديله
واتخير من بعيدين الهقاوي=في قبايل نجد من داني قبيله
لولا أبو بداح خيال الشواوي=كان بعت البيت بفلوس قليله
مجلسه مفتوح دائم للقهاوي=ليت من حولي وجيراني مثيله
بالسوالف مثل ابن شرهان راوي=يشرح الموضوع ويشهد له دليله

فأرسلت له هذه القصيدة والتي هي أيضاً محاولة وليست قصيدة:

يا سلامي للرجال اللي لهم قدر وعزاوي =الرجال اللي فعايلهم جليله
ويا بنات الريح لك عندي مخاوي =وصليه لدارهم بأيا وسيله
والله اني بقربهم دايم شفاوي=مير صارت لي مشاوير طويله
وأبو ضيف الله ترى صاير فداوي= بعد ما خلا الحساء ما فيه حيله
كل يومن موتره ماهوب ياوي = يشعب خطوط تقصر في مديله
ويا أبو مسلط جعل تخطيك البلاوي=وشوفتك تشفي لها قلوب عليله
وخص أبو بداح راع الطيب ناوي=دايم بالجزل مملي شليله
تشتكي وتقول صار الحي خاوي؟=والتجمع صار به حمى عليله!!
دام شرواكم بوسط الحي ضاوي=لا يهمك جمعنا ما احدن يزيله
وكب ولد الاش ما منه رجاوي=أتركه واترك رجال ترتجيله
دايمن رايه ضعيف ودوم ثاوي=وياخذ أفكاره من أفكار الحليله
دوم راع الطيب يقدم ما يراوي=والردي محد يحسب ويش قيله؟
والحساء تجمع من اشكال النداوي=جعل يسقيها مقابيلن مخيله

أبن مصاول

أثرك شاعر يا أبن مصاول وحارمنا من قصيدك مالك حق والله تخفي علينا



اما القصيده حقت جارك هباس السبيعي بصراحه روعه وخفيفة السرد والمعنى وسلسه للقارئ واعجبني فيها يوم يقول هذا البيت

صار جاري يا أبو ضيف الله حساوي ......لا يجي يمـي ولا يرضـى واجيلـه

إذا كان هذا حال أهل الحساء أجل وش نقول على أهل الرياض

الله يجعلنا من أهل صلة الرحم والجيره يارب



واما بخصوص شاعرنا المخفي اللي هو أبن مصاول

وكب ولـد الاش مـا منـه رجـاوي .......أتركـه واتـرك رجــال ترتجيـلـه


حكمه يا ابن مصاول ورعه في الرد ياشاعر منتديات الموازين

لاعاد تحرمنا من قصايدك

والا نرفع عليك شكوى للإداره هههههههههههههههههه

** وافي يا أبن مصاول وعز الله بيض وجهتنا بحق الجيره وياليت الاعضاء ياخذون الفايده من الموضوع اللي هي حقوق الجار ..

شكراً من القلب لك


تقبل مروري


أخوك المحب

أحمد بن سعد الهضاع

المشاركة الأصلية كتبت بواسطة احمد سعد الهضاع

أثرك شاعر يا أبن مصاول وحارمنا من قصيدك مالك حق والله تخفي علينا



اما القصيده حقت جارك هباس السبيعي بصراحه روعه وخفيفة السرد والمعنى وسلسه للقارئ واعجبني فيها يوم يقول هذا البيت

صار جاري يا أبو ضيف الله حساوي ......لا يجي يمـي ولا يرضـى واجيلـه

إذا كان هذا حال أهل الحساء أجل وش نقول على أهل الرياض

الله يجعلنا من أهل صلة الرحم والجيره يارب



واما بخصوص شاعرنا المخفي اللي هو أبن مصاول

وكب ولـد الاش مـا منـه رجـاوي .......أتركـه واتـرك رجــال ترتجيـلـه


حكمه يا ابن مصاول ورعه في الرد ياشاعر منتديات الموازين

لاعاد تحرمنا من قصايدك

والا نرفع عليك شكوى للإداره هههههههههههههههههه

** وافي يا أبن مصاول وعز الله بيض وجهتنا بحق الجيره وياليت الاعضاء ياخذون الفايده من الموضوع اللي هي حقوق الجار ..

شكراً من القلب لك


تقبل مروري


أخوك المحب

أحمد بن سعد الهضاع

والله يا اخوك أحمد لاني شاعر ولا حاجه ولكن هذا يسمى نضماً وإلا الشعر أعلى من هذا بكثير ولا يوصل له إلا الشعراء وودنا نكون شعراء ولكن التفرغ للشعر صعب فالشعر يجب ان يكون يتجسد في المشاعر كلها ويكون ذو صور ومعاني عميقة او سهلة ممتنعة عندما تقرأه تحس بالنشوة اما هذه تعتبر رديات مثل بعض القلطات اللي عندنا عطني واعطيك ولا أسهل منها عندي مستعد اعطيك 100 بيت على هذا المنوال ولكن بعدين؟؟

أشكرك جزيل الشكر وعلى هذا الإطراء وإن شاء الله نكون مثلاً يحتذى به للموازين عند الأجانب.


أخوكم ابن مصاول