يالله ياخالق من الخلق ثقلين=ويامحيين ميت عضامه رميما
ويافالقن بحرك وباعث براكين=ويامرسل رياحن عتيه صريما
ترحم لنا فزاع وتقربه عين=في جنة الفردوس يلقى نعيما
ومنازلن عليا بجنب النبيين=وتنجيه من نارن غسقها حميما
وقبرن وسيعن مايحده حديدين=ومسكن يفوح ومعه نورن عظيما
مرحوم ياشيخ يروف المساكين=وعن زلة الألسن لسانك حشيما
وياسالكن درب الهدى والمصلين=ويامكرمن ضيفك ورايك حكيما
وعسى العوض بعيالك اللي سلاطين=كسابة الطيب بعلمن غنيما
الموت حق وكلنا فيه ماشين=والطيب اللي بالعمل مستقيما
مات الرسول أطهر بشر يافهيمين=اللي بعث من عند رب عليما
يخبر عن الجنه لمن يسلك الدين=ويبشر الكافر عذابن أليما