منتديات الموازين الرسميه - عرض مشاركة واحدة

غير متواجد حالياً

السلام عليكم

اعتذر عن التقصير

قصيده جاءت كماهي

اقبلوها ..

شهيق

وأنا على حدّ الكويت
يم السعوديه بكيت

طرا عليّه ماطرا
ولا قدرت ارجع ورى

مشيت وطاحت دمعتي
وانا رفيعه
(سمعتي )

أواه يالحب القديم
وسط الصباحيّه مقيم

غرون يداعبه الترف
بنت الحسب بنت الشرف

حب ٍ على وضحى النقا
باقي ولو هو

( مابقا )!!

{ سلوى }

من غبه افكاري كسرت المجاديف
.............................احاول اسلى والرجاء فيه سلوى
..
لي صاحب ٍ عامين واليوم جاء الصيف
.............................وانا ذراعي عن مواصله تلوى
..
من دونها الصمان . والحد . والسيّف
.............................والموت . والبرّهان . وعيال علوى
..
ومن دونها نوّخت قبل المناكيف
.............................وثنّيت للموت الحمر كل بلوى
..
أنا حفيد الخيل . والرمح . والسيف
.............................وربعي هل الطولات . وطيور شلوى
..
وجّدي عليها وجد من طاح ماشيف
.............................وسط الجموع وتصقله كل فلوى
..
ابكي على فرقاه مثل المواليف
.............................طفل ٍ زعج بالصوت من شان حلوى
..
لايابعد من يلبسن النفانيف
.............................الزين يخضع جلّ قدام { سلوى }

زفير

اتقول حبك وسط قلبي ومعقول
قلت انتي كلك وسط صدري باركه
..
اتقول عطري ماركه وانا أقول
انتي وجودك في حياتي { ماركه}

وسلامتكم