حــنـــا الــثـــلاث الــمـــعـــجـــزات

السلام عليكم


صباح / مساء الخير للجميع ..

قصيدة متواضعه في الشيخ / مسير بن شقير الدويش
والمدح لعموم مطير ..

ياراكب اللي لاتواسى على السير=كن الخطوط الشاهقة تنطوي له
أليا استوى بالخط كنه يبا يطير=ماكن تحته جاذبية تشيله
ماحال من دونك ودونه سماسير=من الوكاله صدّر اخر مديله
فكسار لكزز لانويت المشاوير=من سرعته كن الهبوب تحدي له
نصه من عنيزة على مسير شقير=ولد الدويش ولانبيله دليله
لو بيع وصله بالذهب والدنانير=نشريه باللي نملكه ونعلي له
مدت كفوفه ماتعرف المخاسير=يوم الكفوف الحاتميه بخيله
انته حفيد مفرقين الطوابير=وانته رقيت المجد فوق المخيله
سلام يالدوشان ياسادة مطير=سلام ياللي بالفعايل مهيله
اصغركم اللي فزته فزت الزير=لاطبلوا للحرب حول الجليله
افعالكم تشبه رياح المعاصير=اللي تشيله عن مكانه تزيله
فيصل يقود مطير ومطير لمطير=يوم اللقاء بالشلف فوق الكحيله
ومطير حمران النواظر مغاوير=مطير حنا يالنفوس الذليله
حنا طرحنا الطايرة بالقناطير=حنا كسرنا بالركايب قبيله
حنا استعدنا الذود صفر ومغاتير=عباس روحه في يدينا قتيله
حنا (الثلاث المعجزات)المشاهير=حنا السيوف المرهفات الصقيله
حنا هل الردات حنا المناعير=حنا لنا الذود المفلي وخيله
تشهد لنا الصمان والصلب مع كير=يشهد لنا كون المربع وثيله
يشهد لنا القصر الحمر يشهد النير=يشهد عنان الخيل يشهد صهيله
مصباحنا يشبع منه جايع الطير=وشتاق له ذيب الخلا ويعوي له
وكل القبايل والنعم دون تقصير=كلٍ على حقه يدينه طويله
وختامها مسيت يامسير شقير=انت الدويش ولا نبيلك دليله

وســـــــــــــلامــــتـــــكــــم

صح لسانك وعتلا شانك شاعرنا محمد العبدلي ويستاهل شيخنا / مسير الدويش

محمد العبدلي وفيت وكفيت جزله من راس جزل ويستاهل مسير بن شقير الدويش ومعروف بالعلم الغانم

بيض الله وجهك على هالقصيدة تقبل اعجابي

يستاهل مسير بن شقير الدويش ومعروف بالعلم الغانم

بيض الله وجهك على هالقصيدة تقبل اعجابي ومروري

يستاهل المدح بلاشك

صح لسانك اخوي محمد العبدلي على هذا النص
ويستاهل الممدوح المدح

صح لسانك اخوي

صح لسانك أخوي محمد وأعتلا شانك وقصيدة جزلة ويستاهلها الشيخ مسير بن شقير الدويش ومطير هي قبيلة المعجزات وإن حصرت معجزاتها في ثلاث معجزات إلا أن المعجزات تتعدى ذلك بكثير ..

فكون مشذوبة للعوارض,والعاذريات للعبيات,وأسترداد ابلهم من القوة العراقية بقيادة عباس و فيصل بن سقيان وكونه معدود عن 90 فارسا....وغيرها الكثير

صح لسانك وقد لفت إنتباهي :

مـــاكــــن تــحــتـــه جــاذبــيـــة تــشــيــلــه

الجاذبية لا تحمل بل هي تشد للأسفل وقانون نيوتن اكبر مثال

فـكـسـار لــكــزز لانــويــت الـمـشـاويـر

اللكزس هي طراز متحد ولا تعود للفيكس آر VXR

وتقبل مروري وتنقل الى فيئة الشعراء ومرحباً بك

صح لسانك اخو ي محمد العبدلي على هالقصيده

صح لسانك وطاب فالك

يا أخ : محمد

يستاهل المدح

وأمطير معجزاتها لو برز ثلاث فغيرها من المعجزات

لا يعد ولا يحصى

مثلما قال الاخ : ابن مصاول :

وكل القبايل ما فيهم قصور

ولدي ملاحظه بسيطه فيما يتعلق بالاخطاء الاملائيه أن صح فهمي لهل البيت الي يقول :

مصباحنا يشبع منه جايع الطير . . . . . . . وشتاق له ذيب الخلاء ويعوي له



واتوقع الأفضل ان يكون . .

وصباحنا يشبع منه جايع الطير . . . . . . . ويشتاق له ذيب الخلاء ويعوي له

والاخطاء بالون الاحمر . وهذا لا يعيب القصيده وأنما للتصحيح

تقبل مروري


أخوك : ابو سلطان