بسم الله الرحمن الرحيم
السلام عليكم ورحمة الله وبركاته
يسرني ان اقدم إاليكم هذه القصيدة الرائعه والاروع فيها هو
بأن كل كلمه ينتهي بها كل بيت تكون هذه الكلمة هي بداية البيت الذي يليه
وهي للشاعرالمبدع/بدر الشيب
ويقول:-
هاض هجسي وحضرّت الورق والقلم=القلم والورق حبره محضّر معه
معه حبره ويكتب مانظمته نظم=لو تشتت بيوت الشعر غصب أجمعه
أجمعه وأكتبه وأصخره من عدم=من هجوسي جذبت الشعر من منبعه
منبعه بان لي عقب الزمان إحتكم=من زمان الشقاء جبت القصيد أطبعه
أطبعه من زمان(ن)حط فيه سهم=علّق السهم فالقلب وعجزت أطلعه
أطلعه لو على كيفي يسير القدم=والقدم حار في درب(ن)عجزت أقطعه
أقطعه لو وجدت اللي عليها الندم=مُهجة الروح لأجله عاذلي ما أسمعه
ما أسمعه في محبة من غلاه إزدحم=في ضميري غلا سيد الجمال أشمعه
أشمعه في ضميري بين لحم(ن)ودم=وإن طلب شي مني صاحبي ما أمنعه
ما أمنعه صاحب(ن)دايم وهو يبتسم=لأجله آشرى الذهب والماس من مصنعه
مصنعه لو يبيعه بالغلاء ما يهم=فيه من شان يرضى صاحبي منفعه
منفعه للغضي وأرفع عمود العلم=العلم كان نلت منايّ فوق أرفعه
أرفعه عقب عبيت الورق بالقلم=القلم والورق حبره محضّر معه