ياشباب المسلمين

أقدم إليكم هذه القصيدة النصيحة وهي للشاعرالمبدع/بدر الشيب

ياشباب المسلمين عقولنا تمجدنا=بس حنّا مانفكر وش يبآ يقفانا
لو نفكر زين فاأيام(ن) تبآ تبيدنا=كان قلنا ليتنا من صغرنا صلانا
وليتنا طعنا رسول(ن)للهدى يرشدنا=وليتنا قمنا بحق أم(ن)وأب(ن)ربانا
وليتنا عاصين شيطان(ن)يبآ يبعدنا=عن طريق الخير لين نروح في عميانا
قام يقنصنا سوات الصيد ويصيدنا=وأول الصيدات يوم إنا نحلق لحانا
ليش ما نعصا مريد(ن)بالفتن قاصدنا=زيّن الدنيا لنا بعيونا وأغوانا
ونطرد الدنيا ودنيانا تبآ تطردنا=لين تَلحقنا وتِلْحقنا طريق آبانا
كل يوم الموت له هدّات ويهددنا=مستحيل الموت لو طال الزمن ينسانا
والله إنا عارفين إنه يبآ يفردنا=عن قرايبنا وعن زوجاتنا وأبنانا
مار توبوا توبة(ن)من نومنا تقعدنا=لين نصحي مع طريق الدين في دنيانا
السعد في طاعة اللي طاعته تسعدنا=رب(ن) ألبسنا لباس العافيه وأغنانا
واحد(ن)ماله شريك ومن عدم موجدنا=عقب ماكنّا بنطفه راكده نمّانا
نطلبه من رحمته ورضاه لايطردنا=ندري إن الله يعاقبنا لكن آخطانا
ويالله ارحمنا وعن طاعتك لاتبعدنا=ويالله اصلحنا وعاونا ولاتبلانا

صح لسان الشاعر بدر

وكل الشكر له على القصيده الجزله والنصيحه الطيبه


ويعطيك الف عافيه فايز على منقولك المميز كعادتك

المشاركة الأصلية كتبت بواسطة مواعيـ سراب ـدك

صح لسان الشاعر بدر

وكل الشكر له على القصيده الجزله والنصيحه الطيبه


ويعطيك الف عافيه فايز على منقولك المميز كعادتك

صح الله بدنكـ آخوي/مواعيدكـ سراب

والله يعطيكـ العافيه

واشكركـ على مروركـ المميز

صح لسان الشاعر المبدع بدر الشيب على هذه الرائعه والتي تعتبر من قصائد النصح حيث أن الشعر هذه الأيام يفتقد لمثل هذا الغرض المهم فجزاه الله الف خير.

وبيض الله وجهك اخي فائز على أختصاصنا بهذه المنقولات الجزلة للشاعر الكبير.

المشاركة الأصلية كتبت بواسطة أبن مصاول

صح لسان الشاعر المبدع بدر الشيب على هذه الرائعه والتي تعتبر من قصائد النصح حيث أن الشعر هذه الأيام يفتقد لمثل هذا الغرض المهم فجزاه الله الف خير.

وبيض الله وجهك اخي فائز على أختصاصنا بهذه المنقولات الجزلة للشاعر الكبير.

صح الله بدنكـ

أخوي//ابن مصاول


والله لايهينكـ ويعطيكـ العافيهـ


واشكركـ على مروركـ الجميل



ولكـ مني جزيلـ الشكر والتقدير؛؛؛؛