الأعزاء أعضاء وعضوات منتديات الموازين ها أنا أعود اليكم بما جادت به قريحتي وبهذه القصيدة الغزلية . امل ان تحوز على رضاكم.
تعالي ويمي رجعي عمري اللي ضاع=تعالي بسرعه قبل ماتطفي الشمعه
تعالي تراني روح في قبضة النزاع=قبل لا تموت أحلامي وتفشل الرمعه
نبي نتفق على التفاصيل بالاجماع=أنا العين وأنتي وسطها صرتي الدمعه
الا من سكتي طار قلبي من الأضلاع=و لا من هرجتي يمك الاذن مستمعه
أفكر وأهوجس كني مضيع الأسناع= أضيع وأقول السبت من بعده الجمعه
عطيتك محبه وأنت في قمة الإبداع=جمال و دلال وكلها فيك مجتمعه
نظرتك وكنك يمي اشرت بالاصباع=دقيقة وقفت ورجلي تقول منزمعه
جبينه قمر مدري نجم ساعة المطلاع=عن عيونه يكف الشعر صافي اللمعه
تناظر عيوني يمه بنظرة استمتاع=اداريه لاجل اغليه وداري السمعه
ماتقدر تشم الورد لوهو مع البياع=لو انك تبيه ويمه تشدك الطمعه
الحميدي بن فارس بن مدلج