خلك مع آهل المعرفة لاتحايد

يالي تبي حضك يجيك بفوايد=أتلوم حضك والبلاء من تصرفك
اضربها ودعس على كل كايد=مدام حضك في طريقك يخالفك
لو كان صبرك باقين له شرايد=ماهو على بعض المراحل مساعفك
غير مسارك لو تشوف النكايد=من قلب صامل ما تخونه عواطفك
خلك مع آهل المعرفة لاتحايد=حتى تجي فالموقف إلي يشرفك
وقت الرخاء ولا بوقت الشدايد=عينك تشوف إلي يقدر مواقفك
لاصار مالك من جهودك سنايد=وسط المجالس ما تفيدك سوالفك
نظرك خله للأمور البعايد=فالي يجي ويروح محد(ن) مكلفك
ترى العرب لهم اسلوم وعوايد=واليا فعلت الطيبه ماتحسفك
العمر فيه النقص ماهو بزايد=لا بد ياتي يوم تطوى صحايفك

الشاعر/الحميدي بن فارس بن مدلج

صح لسانك الحميدي


وقصيده رائعه ومميزه


ويشرفني أني أول من يرد عليها


وتقبل مروري

الحميدي صح

القصيدة قويه ورائعة جدا ولايكتبها اي شاعر-

وانا اخالفك الحظ هو التوفيق من الله وليس له علاقه بالتصرف والله اعلم

تقبل مروري

صح لسانك يا بوخالد على هذه القصيده الجميله

صح لسانك يابو خالد

الله اكبر عليك يا ابو خالد صح لسانك ملاااايين على هالجزله ولاهنت

تقبل تحياني

صح السانك يابو خالد على هذه القصيده ..

صح لسانك يأبو خالد على القصيده

صح لسانك الحميدي


وقصيده رائعه ومميزه

ولاهنت

صح لسانك يا بوخالد قصيده جزله من شاعر جزل

تقبلي مروري