منتديات الموازين الرسميه - عرض مشاركة واحدة

غير متواجد حالياً

هذه احدى المحاورات التي جرت بين وبين الشاعر الكبير سوار الذهب الذي تعلمت منه الكثير والكثير والذي من وجهة نظري ان اضعف مستوى يكون فيه عبدالله الميزاني يكون فوق الشعراء.اليكم المحاوره.

عواض بن غازي.
عبدالله ابطبخه فالقدر حوشان=وافطحه فالصحن مثل الذبيحه
ولايقلط الاعليه اطوال الايمان=واللي يشكر يقول الله يبيحه

سوار الذهب.
ماتطبخ الا هري الابل والضان =اليالقيت الحراجه والنطيحه
ياطير ياللي مليت العش عيدان=ليتك نشدت الهبايب عن مطيحه

عواض بن غازي
انته هاك الحين لقمه بين لحيان =والارض ينبت بها ربله وشيحه
الناس تدري عن اللي كان وش كان=والجثه اللي بليا روح ريحه
سوار الذهب
انته خبر مبتدا ولا خبر كان=علامة الجر بالكسره صريحه
متى تصح القلوب تصح الابدان=اعذرت فالستر واشتلت الفضيحه

عواض بن غازي
انا على صفحة الامجاد عنوان =والغير فتحه على حيد الصفيحه
ماتصتصح القلوب الا بالايمان=واللي تجيبونها ماهي صحيحه

الى هنا وانقطعت المحاورة حيث كنا في مجلس سوار الذهب وأتونا ضيوف وكانو بمثابة طوق نجاة لي .ودمتم