محاوره غنية عن التعليق وحصلت قبل اربع شهور تقريباً في الطايف
والسناني يرد نفس بيوت سوار الذهب ويغير فيها تغيير بسيط ماعنده شئ يقوله
والا ياليل ياللي فيك من بعض العلوم علوم = وأعرف اصحابي الجهنان وأعرف وضعهم عادي
منول يالسناني يوم حنا قوم وأنتم قوم = نجيكم من علو الضلع وانتم فأسفل الوادي
السناني
والا ياليل ياللي فيك عينٍ ماتذوق النوم = ابن غازي ظلام الليل عكر جوه الهادي
منول يالمطيري يومها هوشه وفرك خشوم = نجيكم في شعيب ام العشر سرداد مردادي
سوار الذهب
عليه بالحرام أنك لتسري سرية المنجوم = كبنك بأربعين أنتل وسماعه بلا رادي
يبا ينفخ علي شريم وهوه برطمه مشروم = مايدر أنه محول فالمحيط الأطلس الهادي
السناني
عليه بالحرام أنك لتسري سرية المهزوم = سجلك سوده الربع وأنته منه تزدادي
تقوله وأنت لامطلق ولامعطى ولامحرم = لقيتك يالغدير اللي ورد به كل ورادي
سوار الذهب
جوازك يالسناني فيه من غيرك ثلاث ختوم = ياوجه الله ليا جتنا بليا خرج وشدادي
والا ياطير جنحانك تثنى ماتعرف تحوم = لكن لن عودت مانته بموزم حرب وجهادي
السناني
جوازك فيه بصمه صورت فالأمر والمرسوم = ويبقى سرها مكتوم عند آلاد عبادي
والا ياطير ياللي حنطوك بوارد الجمجوم = نشوف اكبر دليل أنك تعد بغير عدادي
سوار الذهب
أظنك مانت عارف وش بيان السجن والمظلوم = مناخك ماتعلم عنه كشافات الأرصادي
ليا حصلت لي جرفٍ هدوم يطيح به دمدوم = والا معطيه من شربي والا معطيه من زادي
السناني
بيان العفو مايشملك وأنت من العفو محروم = خراب امرك من الضباط والا عند الافرادي
ليا حصلت لي شخصٍ ذميم من العرب مذموم = بلاش يباشر المذموم ريح والورد والكادي