أعتبرك البدايه وأعتبرك الختام - سوار الذهب وحمدان العصيمي

سوار الذهب :

من سلامي على الدنيا واهلها سلام = وأسمعوا كلمة الشاعر وغنوا بها
يالعصيمي يابو خمسه وعشرين عام = الليالي عليكم بالعنا دوبها

حمدان العصيمي :

قدّم الاحترام وتاجد الاحترام = كل لحيه نوجبّها بماجوبها
لاتغر النظام ولانغر النظام = الجزيره وسيعه وأعرف دروبها

سوار الذهب :

لو ابا اقول فيك وفيك قالوا حرام = الله الله حساب النفس بذنوبها
اعتبرك البدايه واعتبرك الختام = في عيونك شروق الشمس واغروبها

حمدان العصيمي :

يااهل الخبز مايصلح بليّا يدام = والعرب حسب غايتها ومطلوبها
ماظلمنا يتيم ولاجرحنا صيام = مار لاتحذفك بقعا بعرقوبها

سوار الذهب :

انت كلك لحم ياليت كلك عظام = جمةٍ صافيه مامات دغلوبها
احفظ اسمك ليّا طبّق عليك النظام = وأنشد ام الكباير وش تحت ثوبها

حمدان العصيمي :

ماوراكم شراب ولا وراكم طعام = يا أهل الجمه اللي شين مشروبها
اسمنا ماينوشه يالمطيري كلام = مار لاتتبع العميا ومسحوبها

سوار الذهب :

فيك ريشة غراب وفيك ريشة حمام = اسمعوها على وجهين واسعوا بها
ويش تاخذ صلاتك من صلاة القيام = أعرف القوم مابينت عذروبها

بيض اللة وجهك حماد على النقل

الله يبيض وجهك ياحمّاد على هذا الطاروق الرائع من الفذ سوار الذهب .

بيت رائع :

اعتبرك البداية وأعتبرك الختام = في عيونك شروق الشمس واغروبها

بدايتك الشعرية ياحمدان هي نهايتك الشعرية , حيث يقال ليال العيد تبان من عصاريها , وكان مستوى حمدان العصيمي في محاورة سابقة مع الرياحي هزيلاً بدرجة مضحكة حيث رحب ثم قال لنفسه وابك البقاء , اضافة الى ضعف بيوته في تلك المحاورة , ولذلك تنبأ له سوار الذهب بأن بدايته لن تبشر بقدوم شاعر حقيقي بل مجرد أسم يضاف لإسماء هزيلة كثيرة طفحت بها هذه الساحة .

مشكووور على المحاوره الجميله .. تسلم يمينك

فيك ريشة غراب وفيك ريشة حمام

اسمعوها على وجهين واسعوا بها

قال الصراحه ابو غازي

حمدان ماله فالشعر وماله فالمعاني الغامضه يعرف يغني موال ليا سرى الليل