سلام يا شيخ(ن) جنابه يدله=حتى لو إنه في قطر ينعني له
يفرح ليا طب المسير محله=فرحة سجين(ن) تو مخلو سبيله
ناصر خليفه شيخ محد(ن) يمله=اقارب(ن) واجناب كل(ن) يجي له
فعل الكرم دايم لناصر جبله=يمناه فالمدات ماهي بخيله
عساه يسلم والردي فدوتله=نمونته فالوقت هذا قليله
عند اللوازم مثل سيف(ن) تسله=ومثل الجمل شال الحمول الثقيله
يانادر(ن) فالشامخات المطله=دايم وناصر في علو الطويله
شجرة وفاء تثمر ودوحاً مظله=ويرفع بذكره كل من ينتمي له
كل العلوم الطيبه ما تزله=ماهوب بمسكين(ن) يغلق حصيله
جته العلوم الطيبه من أهل له=وقد قالوا الماء ماغطته النثيله
في مجلسه من يقصده مرتكله=غير الكرم تلقاء العلوم النبيله
الطيب في ناصر قديم(ن) سجله=في وقتنا الحاضر قليل(ن) مثيله

والمعذره يا أبو خليفه على هذه الأبيات لأنها لم توفيك حقك...