حنا أليا ضاقت علينا المحاريف = نفتح لها بيبان درب وسيله
وحنا اليا ما جات معنا على الكيف = لنا عوايد نصنع المستحيله
وحنا اليا جت باللقافه ملاقيف = يمكن نولعها براس الفتيله
فينا هبال ومع هل العرف عرّيف = يشهد لنا التاريخ دم وفصيله
كلام قول وفعل ماهو سواليف = من لا يجيب العلم ويش يحكيله
نحطها فقصى الظلوع المهاديف = حتى قصير الهرج يقطع طويله
لا صار مال أحدن علينا معاريف = اللي نشوفه صد نترك سبيله
ماعاد يلحقنا ملام وتحاسيف = نقولها والرجل عقله دليله