علاوي نجد

*** علاوي نجد ***

لعل الخيال اللي تزبر مزونه فوق = تقوده هبوبه يمت الشرق من قبله
بعد ممتلا بالماء تسوقه هبوبه سوق = هبوب ماهي صلفه شويه ولا خبله
ولا جاء في علاوي نجد جاله رعد وبروق = وتباشير سيله من ثعوله تجي قبله
ويمطر على البهره وما وان مع ساحوق = ويدم العجام وتتقي من كثر وبله
تصير أرضها سيل غداله زبد وطروق = طلع ماه عن مجراه والجال يركبله
على شان بعد الوقت ينبت بها الزملوق = ونشوف العدام إفراش اخضر من الربله
ونشوف الخباري فوقها البط والغرنوق = وريح النفل في جاله القلب يطربله
ديار لها ياخذني الحب قبل الشوق = لها عشق في قلبي مثل من عشق عبله
ديار بها ترعى وترتع سهاف النوق = ليا ربعت كلٍ لها جاء يسوق إبله
ومهما انتحيت القلب للدار ذيك يتوق = ومن لامني في حبها فاضي الطبله

شاعر الغربه
شبل عصيم الميزاني

صح السانك شبل اعصيم

ولاجافي علاوي نجد جاله رعد وبروق
وتباشير سيله مع ثعوله تجي قبله
ويمطر على البهره وماوان مع ساحوق
ويدم العجام وتتقي من كثر وبله

صح لسانك اخوي شبل عصيم لايمك عمى في حب هالديار يامال السيل يسقيها شاعر كبير تمطرنا
بأحرف الجزاله ومعان ثمينه اشكرك ياصاحبي على نصوصك الفاخره دمت بخير

صح لسانك شاعرنا شبل بن عصيم

صح لسانك أخي شبل وعالية نجد هي المكان الذي به المرابع الطيبه التي إذا علها المطر وصادفت وسماً ومن بعده رجع للمطر أصبحت جنة الله في أرضه ...

صح لسانك مرة اخرى وتقبل مروري

صح السانك ياشاعر الغربه
تصير أرضها سيل غداله زبـد وطـروق .. طلع ماه عـن مجـراه والجـال يركبلـه
على شان بعد الوقت ينبت بهـا الزملـوق .. ونشوف العدام إفراش اخضر من الربلـه

صح لساانك اخوي شبل عصيم ويعطيك العافية

-
صح اااللسااانك اخوي ولاهنت ع ها القصيده الرائعه...

اشكركم جميعا على المرور والاطرا الطيب تحياتي لكم

صح لسانك اخوي شبل عصيم قصيده جزله من شاعر جزل