(( المـــــــــــــــــــــــــــــــــــــــراوى )) تحفة جديدة لـ \ محمد عامر بن نيف
كُتب : [ 09 - 06 - 12
- 01:36 AM ]
حصريا لمنديات الموازين هذه التحفة المتألقة للشاعر:
محمد عامر بن نيف
( المراوى )
يا طير .. قل للرجم ماني مجافيه=ما دمت في رجوى الكريم متلوي
لكن عليّ اليوم عسرة مراقيه=مضمر جروح ومحتمي ومتكوي
هذا ولا ودي هالايام اعديه=متعكر ٍ من كثرة الحوم جوي
النوم يندهني سخاء .. ما التفت فيه=لا قال عجّل .. قلت توّك وتوّي
سوّي على الفنجال اديره واساقيه=من رايب ٍ خاثر على جال ضوي
احيان اشيل الضيق .. واحيان اخليه=لين المراوى قضّني من علوي
قضيض وادٍ قضّته من عواليه=غرّىً رعدها في سماها مدوي
لو ضيقوا خلقي خطاة البهابيه=صدري من الحلم الغزيز متروي
ما عاد هي لحية عتاب ومشاريه=ماتنهض الشرهه عظام متثوي
لا صرت امير العفو .. ابا ارفاه واعفيه=لوم الرزايا ما يليق بسموي
يا طير أنا اللي كل الأبصار بيديه=لكن تجي حسناي من دون سوي
تدري وش اللي يوهي الرجل ويتيه=ويصير عقله مثل عقل المهوي
لا صار يقدر كل شي ٍ يسويه=ويتيه ما يدري وش اللي يسوي
رد: (( المـــــــــــــــــــــــــــــــــــــــراوى )) تحفة جديدة لـ \ محمد عامر بن
كُتب : [ 11 - 06 - 12
- 10:06 AM ]
تدري وش اللي يوهي الرجل ويتيه
ويصير عقله مثل عقل المهوي
لاصار يقدر كل شي يسويه
ويتيه مايدري وش اللي يسوي
الله الله على المفردات الجزله للشاعر الجزل والجميل دائما محمد بن عامر بن نيف قصيده تكتب بماء الذهب
كل الشكر لك اخي الطود على نقلها لنا دمت بخير منتديات الموازين الرسميه