عليكـ الله وآمانه ياوطن

بسم الله الرحمن الرحيم

السلام عليكم ورحمة الله وبركاته

آعزائي الآفاضل آهدي إليكم هذه القصيدة
بعد ان آهديتها للوطن والتي تعتبر قليله في حقه
وعسى أن تحوز على رضاكم وتنال إعجابكم

تعالي ياجزيلات القوافي للرجال حقوق=حقوق(ن)يتعب الرجّال لين إنه يحققها
والآ يامرحبا ترحيبة(ن)نرفع علمها فوق=على روس الجبال الشامخه نرفع بيارقها
آرحّب وأثني الترحيب وآسوق القوافي سوق=يسابقها الكرم والطيّب والدله تسابقها
على الواجب خضع صعب اللحون وطاوع الطاروق=والآيامرحبا من غرب الأرض ليا مشارقها
تشوّقنا الوحيه الطيبه والشعر فايض شوق=وناس(ن) ماتشوّقها القصايد وش يشوّقها
وعليك الله وآمانه ياوطن عن كل غدر وبوق=ترافقك السلامه ياوطن وانته ترافقها
عليك الله وآمان الله وعهد(ن)ثابت(ن)موثوق=مدوّن في سجلات(ن)مثبت(ن)وثايقها
فداء وقت النداء دم(ن)على تراب الوطن مدفوق=ليا صفّت جيوش الحرب وإصطفت فيالقها
وقيل الله وآكبر ماش حق الإ وهو ملحوق=وراحت تطرق البيداء من اللي راح يطرقها
إي والله ياوطن لو كان مايبقى ولامخلوق=ماتطمعك العداء وإعداك والله مانصادقها
تعزوى بالرجال اللي يعوقون المعادي عوق=هل الفزعه منزحت الآعادي عن مناطقها
ويعيش القايد اللي منتصب بالمنصب المرموق=تشرف به تكلف به وكاد إعداه وأرهقها
لقب وأشرف لقب واطيب لقب ماهو لقب مسروق=نعم ياخادم البيتين سوق القافله سقها
وأعزّ الله حكمك مثل عزّالله للدين بالفاروق=وآباد الله حسّادك من العالم وفرّقها
مثل ما آباد عاد الطاغيه وآمّسوا هباً مسحوق=وبقوا عبره لكل الناس مسلمها وفاسقها
وانا شاعر من آبناء المملكة وأسوق عمري سوق=على تراب الوطن صامد اموت ولاأفارقها

صح لسانك يافايز وبيض الله وجهك على روحك الوطنيه


وماقصرت ويعطيك الف عافيه .. وبنتظار كل جديد منك

يعطيك الف عافيه
تقديري لك

المشاركة الأصلية كتبت بواسطة مواعيـ سراب ـدك

صح لسانك يافايز وبيض الله وجهك على روحك الوطنيه


وماقصرت ويعطيك الف عافيه .. وبنتظار كل جديد منك

مواعيــــ سراب ــدك

صح الله بدنك

والله يعافيك
ولاهنت وأشكركـ على المرور الجميل

ولكـ؛؛ تحياتي

المشاركة الأصلية كتبت بواسطة ولد الشمشم

يعطيك الف عافيه
تقديري لك

ولد الشمشم

الله يعافيك

ولاهنت وأشكركـ على المرور الجميل

ولكـ؛؛ تحياتي

صح لسانك اخوي قصيدهـ جزله

ولاهنت

صح الله أبدانكم جميعاً

والله يعطيكم العافيه

وأشكركـم على مروركم الجميل

ولكمـ؛؛ تحياتي

صح السانك
اخي الغالي
ودمت على الخيرررر

وانا شاعر من آبنـاء المملكـة وأسـوق عمـري سـوق عـلـى تــراب الـوطـن صـامــد امـــوت ولاأفـارقـهـا

صح لسانك اخوي فايز

قصيده جزله والوطن يستحق الكثير منا لك كل التقدير

دمت بخير

كفو والله يابو شامان
وصح لسانك ملايين
وبيض الله وجهك على هالقصيده الشامخه
شاعر جزل ومتمكن ومافيك حيله يالقرم
لله درك ولنا دررك
ياصاحبي
.