المواقف تظهر الرجال

بسم الله الرحمن الرحيم

السلام عليكم ورحمة الله وبركاته

يسعدني ويشرفني بأن أقدم لكم هذه القصيدة التي تعبرعن نفسها
وهي للشاعر العذب والحكيم في أبياته دائماً
وهو الشاعر/عامرالشيب

أشهد إني ماني بمرتاح والحاله شقيه=من هموم(ن)ماتفارقني ولايلحق مداها
كل ماقلت أقفت همومي وصل منها سريه=والحياه دروس والدنيا تخون اللي هواها
والنوايا فالقلوب وقالوا النيه مطيه=والرجال رجال ماتزهق ولايبحث خفاها
والله إني لاأتحملها ولو أصبح ضحيه=لين أميّز باقي العربان وأسلم من غثاها
والبشر لو أتسمع في سوالفها الرديه=كان ماخاويتها واغليتها واكسب رضاها
بس أنا ما أجازي السيئه ليا جتني بسيّئه=والسوالف لوتجيني ماقعدت أطرد وراها
السوالف ما تغيرني ولا تثر عليه=والبشر دايم تسولف من خلاها في خلاها
والرفيق اللي علومه بين ذي وبين ذيه=ويتزرّا بالرجال وهو كذا على عماها
لاشهامه لاكرامه لارجوله لاحميه=وحاجته لوإنها قدام عينه ماقضاها
يسمع الله لايهينه قبل يبداء بالزريه=وكل حبه فالرحى لابد تطحنها رحاها
ماخلقنا للمذله لو آيادينا خليه=عزت النفس تحدانا لو حداها ماحداها
ماطلبنا راعي الشيكات يعطينا عطيه=نطلب اللي مدته تغني عبيده لاعطاها
ولو تقول إنك مثل نايف وزير الداخليه=خابرينك يالرفيق ونعرف البير وغطاها
سوّد الله وجه رجل(ن)لاشبع ينسى خويه=وبيض الله وجه من يذكر ربوعه مانساها
المواقف تظهر الرجال وقت الصامليه=والرجل من دق صدره ثم تزهل وإحتماها
ولو تقول الطيب زاد ولو تقول النار حيه=الثريا نورها واضح وتبقى في سماها
ولو تسولف لو تسولف للعقول الجاهليه=مالنا فيكم دخل واللي يدورها لقاها
السوالف ماتغيرني ولا تثر عليه=والبشر دايم تسولف من خلاها في خلاها

الله..الله..الله..ما شاء الله , هذا هو الشعر الحقيقي ,هذا هو النص القوي والمترابط والمملوء بالحكمة

صح السان الشاعر الكبير عامر الشيب ونشكرك أخي فائز على نقلها لنا

المشاركة الأصلية كتبت بواسطة أبن مصاول

الله..الله..الله..ما شاء الله , هذا هو الشعر الحقيقي ,هذا هو النص القوي والمترابط والمملوء بالحكمة

صح السان الشاعر الكبير عامر الشيب ونشكرك أخي فائز على نقلها لنا

صح الله لسانكـ وصح الله بدنكـ يابن مصاول
ولاشكرعلى واجب
لأن جميع ماأنقله لكم من خلال هذا الصرح الشامخ برجاله الكرام بعد الله عز وجل
هو شرف لي وتاج على راسي
وليس في ذلكـ شكـ بحيث أعتبر بين أخواني وأبناءعمي
وبالعكس انا اللي أشكركـ كل الشكر
على مروركـ المميز ومتابعتكـ المستمرة
ولكـ تحياتي وتقديري،،،،

والبشر دايم تسولف من خلاها في خلاها


صح لسانك ولسان عامر

الله ياعامرالشيب مبدع الله لايحرمنا من ابداعاتك ومشكور ياابو شوق على ماقدمت اله يعافيك

مع انتضار ابداعاعاتك في المنتدى

المشاركة الأصلية كتبت بواسطة بدري بن صالح الشيب

الله ياعامرالشيب مبدع الله لايحرمنا من ابداعاتك ومشكور ياابو شوق على ماقدمت اله يعافيك

مع انتضار ابداعاعاتك في المنتدى

صح الله بدنكـ

أخوي//بدري الشيب

والله لايهينكـ ويعطيكـ العافيهـ


واشكركـ على مروركـ الجميل



ولكـ مني جزيلـ الشكر والتقدير؛؛؛؛