الشاعر الكبير محمد الخس يجاري الشاعر الجماهيري تركي الميزاني في قصيدته

قصيدة الشاعر تركي الميزاني

استوطنت مملكة شعـري جبروتـي=وانـا سكنـت بجبروتـه ومملكـتـه
واحييت ذكرى معارك عين جالوتـي=وتحقيق الاهداف معركتي ومعركتـه
وتعاهد الشعر مع صمتي ومع صوتي=وقريت ما يدرك الابـداع وادركتـه
احيا معه لا حيا ويموت مـن موتـي=ويومنّي احييت فيه الروح ما اهلكتـه
واللي هواها قفص روحي وتابوتـي=امنتهـا محتـوى الافكـار واملكتـه
في دربها ما شكى ساقي على سبوتي=ولا مل صبري من الواقع ولا نهكتـه
اسكنتها حزني اللـي كبّـل سكوتـي=ما بين سور الغـرام وبيـن بايكتـه
وذبحـت لعيونهـا ستيـن طاغوتـي=واسرفت في كوكب الاسراف واسهكته
عزيمتـي قوتهـا وجنونهـا قوتـي=اليا حدانـا الزمـان وقلّـت ابركتـه

رد الخس:

تركي بناله بيـوت(ن) لاتهـا لوتـي=وانـا اعجبتنـي تماثيلـه وشاركتـه
سوى بيوت(ن) صداهن جابت بيوتي=واللي شكى منه تركي طحت بشبكتـه
اطلعت ما كان وسط الصدر مكبوتـي=يومٍ تركي فتـح لـه بـاب حركتـه
طلع مثل ما طلع يونس من الحوتـي=من فرحتي فيـه نقّحتـه وحكحكتـه
ما قالت ابا اخلي الموضوع سكوتـي=شفتـه وحفتـه وسويتـه وتكتكـتـه
وضّحت ما قلت عن شامت ومشموتي=من فكري اللي خطايا الناس مربكتـه
يوم ابن عمي بيوتـه شاتهـا شوتـي=صعد وخلا اكثـر العالـم ابركركتـه
تركي من اللي لهم شيمات وسموتـي=أغليه وارتاح وأستانس من احركتـه
والا ابعض الناس لو صاحبك سربوتي=ماني بمرتاح مـن شعـره ودربكتـه
لو جاب لي شي مثل بيـوت بخوتـي=قدرت اجاريـه وافرحتـه وضحكتـه
عطيته بيـوت مـن لؤلـؤ وياقوتـي=كانـه سنـافـي غـيـر شربكـتـه
قلبي يحب السنافـي واكـره اللوتـي=اللي عسـا الله يقطـع كـل ماركتـه

صح لسان الشاعرين البستان و2000
(يوم ابن عمي بيوتـه شاتهـا شوتـي=صعد وخلا اكثـر العالـم ابركركتـه)

وشكرن على النقل يابو ضيف الله

اطلعت ما كان وسط الصدر مكبوتـ

يومٍ تركي فتـح لـه بـاب حركتـه

طلع مثل ما طلع يونس من الحوتـ

من فرحتي فيـه نقّحتـه وحكحكتـه

ما قالت ابا اخلي الموضوع سكوتـي

شفتـه وحفتـه وسويتـه وتكتكتـه

الله واكبر لله درهم اثنين من عمالقة الشعر فاحت قريحتهم بدرر لن تنسى وستضل حديث الناس
كيف لا وقد تعانقت القمم شكرا لك اخي اباضيف الله على النقل المميز جدا جدا
دمت بخير

صح لسان الشاعران الكبيران , والشكر كل الشكر لك اخي ابن مصاول على النقل الرائع .

صح لسان محمد الخس وصح لسان تركي الميزاني
والشكر كل الشكر لك اخي ابن مصاول على النقل الرائع

صح لسان ابو نايف ولسان الخس والله يعطيك العافيه أخوي ابن مصاول