أصحابنا شدوا قصيدة لهباس مسلط السبيعي وردها من أبن مصاول

بسم الله الرحمن الرحيم

الأخوة الأعضاء الأخوات العضوات السلام عليكم ورحمة الله وبركاته

تلقيت قصيدة أخوية من الشاعر / هباس مسلط القريشي السبيعي (من اعز جيراني) وذلك على إثر نيتي بالرحيل من الأحساء ومفارقة الحي بعد 16 عشر عاماً من الإقامة فيه , حيث تعرفت فيه على كثيرٍ من القبائلِ الأصيلِة (الدواسر,سبيع,شمر,حرب, عتيبه,زهران,غامد,مطير,العجمان,عنزه) وغيرهم من العوائل الأحسائية الطيبه....وأبو مسلط والربع لا يريدون لي الرحيل من الحي حيث اننا أصبحنا بفضل الله عائلة واحده وأكثر من الأخوان..

أرسل لي هذه القصيدة

1. أصحابنا شدو وخلو لنا الحي =باعو جميع أصحابهم بالملا يين
2. وش بك على الأصحاب ياحظنا السي=مالك نصيبا" فالرجال السلاطين
3. فيهم صفاتا" من كرم حاتم الطي=أمثال أبو ضيف الله شيخ الموازين
4.أسمع يأبو ضيف الله بأقول لك شي=إن راده الله لأنتهض بالجناحين
5. وأشوم عن حيا" لاهاذي ولا ذي=اللي مجالسهم عليها كوالين
6. كنه من السكان مهجور وأخلي=ماتشوف فيه إلا النساء والوراعين
7. و أستثني اللي بالمراجل لهم في=اللي لهم فالحي ذكر و عناوين
8. بدون أسميهم و لا قايل أمني=ربعا"على فعل المواجيب ظارين
.9. وإنكان تنشدني عن الروس ياخي=قلت أطواله خص والشيخ أبو ثنين
10. والكذب والتزوير لا لك ولا لي=هذا كلام الصدق أمنول وذلحين

وكان ردها من قبلي هذه الأبيات البسيطه لعلها ترتقي للذائقه:

يا راكب اللي يطوي البعد لي طي=مركب شيوخ ولا أركبوه المساكين
المنظر من بعيد يبهر ويغري=النوع لكزس من خيار الصوالين
يجاكر النيسان والفورد والجي=موتر ضمان ومنطلق للنياشين
نصه لأبومسلط من الحي للحي=رجلٍ عريف وفاهمِ للقوانين
وقله فراق الربع يكوي بنا كي=ومن بعدهم صرنا سوات المحازين
وحنا ما بعناهم وهاذي ماهي هي!!=وشلون نرخصهم خيول الميادين؟؟
في كل شارع في محاسن لنا ضي=وهذا موكد ما يبي له براهين
ربع عرفناهم والأيام تطوي=أخذ الخبر وأيضاً نزيده مضامين
يا زين مجلسهم والأشعار تلفي=مع شاذليه ما أشربوها الوراعين
وعسى الولي للاش يمسح ويفني=قومٍ دمار , مسحبين الجوالين
وسلام مني عد من راح يجري=فوق البسيطه للرجال الموالين

تجدون هنا صورة أبو مسلط



يبدو أبو مسلط الأول من اليسار ومن بعده أبو بداح(محمد بن طريف الدوسري) ثم أبن مصاول في رحلة ربيعية عام 2008 تجدون تفاصيلها هناhttp://www.almouazeen.com/showthread.php?t=9124

صح لسانك يأبو ضيف الله على هلابيات الجميله وصح لسان الشاعر السبيعي

قصيدهـ رآئعه

ولكن الرد اروع وأروع
صح لسانك على الرد الجزل

وصح لسان هباس

ولاهنتم
ويعطيك العافيه

صح لسان السبيعي ورد اجمل منك ابو ضيف الله
تحياتي

صح لسان الشاعر هباس السبيعي
وصح لسانك يابو ضيف الله على هالمجاراه
الرائعه ماقصرت يابو ضيف الله لاهنت تحياتي لك

صح لسان الشاعر هباس السبيعي
وصح لسانك أخوي أبو ظيف الله علي الرد

صح لسان الشاعر هباس السبيعي على القصيده
وصح لسانك يابوضيف الله على المجاراه الرائعه وبيض الله وجهك

الله على الإبداع صح لسانك أخوي ابن مصاول وصح لسان السبيعي

صح الله لسانك يابو ضيف الله

صح لسان السبيعي

وصح لسانك يابو ضيف الله كفيت وفيت بالرد الرائع