مليت مـن حبـك ومليـت دنيـاك

ياصاحبي والعذر ماهـوب يخفـاك
مات الرجا بك يـوم عـز اللقابـك
الى متى وانـا ارتجـى واتحـراك
واسرج ركابي وانت تمهل ركابـك
أملت في وصلك وشوفك ولامـاك
ومات الامل عندي وباح العزا بـك
لاقلت يالغالي متـى يـوم لقيـاك
عزفت فاوتـار الظـروف بعتابـك
ذبحتنى وانا على مكسـب رضـاك
اجاملك وارضيك وانقـل صوابـك
ارضيك لو تزعـل هـذولا وذولاك
لو من صميم الروح تدمى حرابـك
واقول جعل ظروف الايـام تفـداك
واقول تسلم لـي ويسلـم جنابـك
واليـوم لا والله مــاوالله ادراك
بأقسي عشان تشوف كيف القسا بك
شف التغلـي والغـلا ويـن وداك
عن قلبى المخلص لحبك ..غدابـك
معاد انا شفـق ٍ لذكـرك وذكـراك
ولابوه .. هاجوسي اذا يوم ..جابك
مليت مـن حبـك ومليـت دنيـاك
وتعبت ادارى ود حضـرة جنابـك
ابعد وخذ تكفـي غـلاك وهدايـاك
ومعها (روشته ) من بقايا حسابك
اجمع ليالي وصلنا مـن عرفنـاك
واطرح من الناتج ليالـي غيابـك
واضرب على صدك وبعدك وفرقاك
واقسم على قربك وطردي سرابـك
تلقي النتيجـه كلهـا لا عدمنـاك
ماغير اعاني من عنـاك وعذابـك








مما قرأت

قمة الروووعه والجمااااال يا( نزف المشاعر)
أهنيك على هذا الاختيار الراااقي جدآ
وسلمت أناملك ,,,, ويعطيك الف عافيه
ولكي كل الشكر

صح السان شاعرها ومشكوره على النقل اختي نزف المشاعر..

صح لسان شاعرها وتسلمين الاخت نزف المشاعر على النقل الموفق وعلى الذايقه الرفيعه

صح لسان شاعرهاا

ومشـكوره على نقلك الذووق

المشاركة الأصلية كتبت بواسطة فهد الشمشم

قمة الروووعه والجمااااال يا( نزف المشاعر)
أهنيك على هذا الاختيار الراااقي جدآ
وسلمت أناملك ,,,, ويعطيك الف عافيه
ولكي كل الشكر

ياهلا أخوي فهد . . ربي يسلمك ويعافيك .

أشكرك ع تواجدك وكلامك الطيب .

مشكور ع الطرح الرائع

صح لسان الشاعر.ولاهنتي نزف المشاعر على النقل

اجمع ليالي وصلنا مـن عرفنـاك
واطرح من الناتج ليالـي غيابـك
واضرب على صدك وبعدك وفرقاك

بارك فيك نقل موفق دمتى بود

ابيات رقيقه
وذائقتك مميزه
تسلم يديك غلاتي
ودي