@أعاهدك باللي فرض حجة البيـت...مجفاك لو قبـري يشيـد ترابـه@

أعاهدك باللي فرض حجة البيـت

...مجفاك لو قبـري يشيـد ترابـه

جاني خيالك في منامي وفزيـت

...وهلت دموعي مثل وبل السحابه

ياما على شوفة خيالـك تمنيـت

...عزاه من جـرحٍ بقلبـي لجابـه

وياما من هموم المحبه ترويـت

...والقلب زاد من الهمـوم إلتهابـه

وياما وياما من جروحك تداويـت

...لاشك جرحك مايفيـد الـدوا بـه

وياما وياما بعالي الصوت ونيت

...على الذي ماعاد يبـري صوابـه

ماينفع المجروح كثـر التناهيـت

...جرح الهوى ياويل قلـبٍ لجابـه

كم من جروحٍ بالهوى منك عانيت

...وجرحك بقلبي كل شخصٍ درابـه

أفرح ويطرب خاطري كل ماجيت

...وقلبٍ تولـع فيـك لا واعذابـه

قالوا تمن قلـت ياليـت ياليـت

...ألحق هوى اللي تل قلبي وغدا به

في مرقدي كني ندهتك وصديـت

...ارحم جريحٍ صاح من حر مابـه

وجرحي خطيرٍ مير كاني توفيـت

...أمانتـك قبـري تـزاور ترابـه

الشاعر / سالم اللميع

صح السان الشاعر ...وشكرا لك اخوي فهد لنقلك...

العفو,,,,أختي,,وشاكر لتواجدك

صح لسان الشاعر

يعطيك العافية اخوي فهد

صح لسان شاعرهااااااا .. وتسلم اخي فهد على هالنقل المميز ..
وكعادتك دوم متميز والى الامااااااااااااام .. وبالتوفيق ..

المشاركة الأصلية كتبت بواسطة العبدالله

صح لسان الشاعر

صح بدنك يا غالي ... وشاكر لتواجدك

المشاركة الأصلية كتبت بواسطة عنود الصيد

يعطيك العافية اخوي فهد

الله يعافيك ,,,أختي
وشاكر لتواجدك

المشاركة الأصلية كتبت بواسطة درة الموازين

صح لسان شاعرهااااااا .. وتسلم اخي فهد على هالنقل المميز ..
وكعادتك دوم متميز والى الامااااااااااااام .. وبالتوفيق ..

الله يسلمك يالغاليه ... والتميز هو تواجدك هنا
تحياتي لك,,,