صورة وراى صورة (من معجزات شعّر ابن شداد

صورة وراى صورة وصورتلي صورة =وأثر الصور مصورة قبل اصورها
مدموجتن ومؤثرة وخافتن نورة = وأحتار فكري بالصور يوم اناظرها
مدورة ومكورة كنها كورة = وانا اعتقد ان المصور مزورها
فيها شفق للشمس ومن نار تنورة= مناظر تهيل الخافق اللي ماناظرها
وظنها من سحر هاروت مسحورة= تسحر هل السحر وعكس السحر يسحرها
بها طلاسم وما تفهم وشعرورة = مقلوبة الحرف اولها هو أخرها
لو ياخذ الادمي مئة سنة دورة = وش باقين في العمر حتى يحاورها
تهز الرواسي كل ماثارت الثورة= وعلى عاتق اللي هز الرواسي وثورها
الا ياساتر الأنسان من كشفت العورة= تّستر اعباد الله وتستر معاورها
ياراعي الافكار زور القمر زورة = بفكرك وشوف العجائب وصورها

صح لسانك يابن شداد وبيض الله وجهك على الابيات الجزله

يعطيك الف عافيه وماقصرت .. وبنتظار كل جديد منك

صح لسانك يا أبو مصلح وقصيدة رائعه جداً , ولا هنت على هذه المعجزة الجديده

صح لسانك أخوي صالح بن شداد قصيدة رائعه جداً

المشاركة الأصلية كتبت بواسطة أبن مصاول

صح لسانك يا أبو مصلح وقصيدة رائعه جداً , ولا هنت على هذه المعجزة الجديده

مشكور ابو ضيف الله وشهادتك وسام على صدري ولاعليكم زود

المشاركة الأصلية كتبت بواسطة مواعيـ سراب ـدك

صح لسانك يابن شداد وبيض الله وجهك على الابيات الجزله

يعطيك الف عافيه وماقصرت .. وبنتظار كل جديد منك

صح بنك وجهك ابيض اشكرك على المرور والتعليق
تقبل تحياتي

يــــاراعــــي الافــــكـــــار زور الـــقـــمـــر زورة

....... ـفــكــرك وشــــــوف الـعـجــائــب وصـــورهـــا

الله الله يالجزل

صح لساااانك وتسلم يمناك

على هالجزلة ..

مبدع دائما لك جزيل الشكر

المشاركة الأصلية كتبت بواسطة لؤلؤة الموازين

مبدع دائما لك جزيل الشكر

الابداع كلة مرورك في الصفحة التي نورتيها
شكرا

الله الله على هالجميل ابو مصلح اشتقنالك ولقصيدك وين الغيبات
ولاكن عذة بالذهب يالذهبي
لله درك على هالرائعه