يا حظ من لاعرف منهو و لاشيف .. إن طاب يحمْد وإن تردّى بكيفه ..!

قصيدة تختزل الكثير من الجمال بين أول وآخر بيت شعري فيها ,
قصيدة تفوح عذوبة وشاعريه ..
وحكمة .. لايجيدها إلا الكبار ..

كيف لا .!
وهي للبدر ..!

إخترتها لتقرأوها معي فـ إليكم هي ..

.
.

في دربكم يا راحلينٍ مناكيف
تالي ليالي القيظ وأول خريفة

ردوا سلام أهل القلوب المواليف
على الوليف الي نشد عن وليفة

ردوه لعذوق النخيل المهانيف
وعلى القصور الي بوادي حنيفة

دارٍ لها بالقلب عشق وتكاليف
ياعل عينٍ ماهوتها كفيفة

طبنا وشبنا واتعبتنا المشاريف
والمرقب العالي هبوبه عنيفه

يا واردين العدّ كفو المغاريف
الي بقا دمعٍ هماجٍ ذريفة

والله لو دمي يغيث الملاهيف
قطعت عرقي لين يصفى نزيفه

وياحظ من لا عرف من هو ولا شيف
ان طاب يحمد وان تردى بكيفه

وحنا ورثنا المجد عظم وغضاريف
لا ما ورثنا المجد تاج وقطيفة
.
.

لـ مهندس الكلمة " بدر بن عبدالمحسن "

قصيده راااااااااااائعه صح لسان شاااعرها وسلمت يمين ناقلتهاااااااااا

طبنا وشبنا واتعبتنا المشاريف
والمرقب العالي هبوبه عنيفه
.
وياحظ من لا عرف من هو ولا شيف
ان طاب يحمد وان تردى بكيفه
.

صح لسان مدرسة الشعر
البدر
وجميل مانقلتي اختي شلاحيه
وذائقه اهنيك عليها
.

الزير
ابن الشاعر


يبتهج المتصفح بجميل حضوركم
ويتعطر عبق مروركم

وكل الشكر لكم ..

الله درك يأمير الكلمه وملك الشعر قصيدة رائعة
أبدعتي فيما نقلتي ياالمطنوخة..

المشاركة الأصلية كتبت بواسطة لؤلؤة الموازين

الله درك يأمير الكلمه وملك الشعر قصيدة رائعة
أبدعتي فيما نقلتي ياالمطنوخة..

الإبداع طلتك ومرورك يالغالية ...

صح لسان الشاعر الامير بدر بن عبد المحسن , واشكرك اختي شلاحيه منطوخه على النقل الرائع وذوقك الجميل .

يعطيك الف عافيه

تقديري لك

جريح الهوى
ولد الشمشم

كل الشكر لمروركم .. ولا هنتوا ..

رائع الاختيار والشاعر سموالامير بدر من كبار الشعرا وغني عن التعريف
والله يعطيك العافيه الشاعره القديره شلاحيه ودايم اختيارك مميز وجميل
لك التحايا والتقدير