عز اللقا بللي من الروح مغليـه
عزيل حالي كان طـول غيابـه
قدره بصدري ما تعـدى محانيـه
هو رغبتي هو نشوتي والصبابه
حبه تمكن با الحشا مقدر اخفيـه
قلبي من اجله صار يغلي عذابـه
يجني على روحي واخآيل تجنيه
احب هرجه بس مقـوى عتابـه
يا نبض روحي عاشقك لا تهقويه
ارجع لطبعك يا سليـل النجابـه
انت الغلى كله تدلل بقـول ايـه
ابشر ولا غيـرك يدلـع جنابـه
حبك بجوفي شامخاتـن مبانيـه
وقربك يمنينـي بلامـع سرابـه
واعدتني با القرب وابطى تحريه
قربك وبعدك يا الغضي ما تشابه
اللي يحبك يا الغلـى لا توصيـه
وهو على شانك مضيـع شبابـه
يهيم من شانك ويشمل مع التيه
ويجيب لجلك مثل ما الورق جابه
كان الجفا تدليع با الروح نشريه
وكانه تكبر مـا نوقـف ببابـه