حاضرين يالقحطاني ....وحنا في خدمتكم
ماني مجازيك في صدك وهجرانك=ودعتك الله وتلقى واحد(ن) ثاني
أتعبت الأعيان والأقدام من شانك=وأنته ولا شيء سويته علشاني
فزيتلك يوم قلت أسمك وعنوانك=لو كان ما تنتمي لسمي وعنواني
ما جيت أدورك والا أطق بيبانك=والأ ترا جاك مثل فلان و فلاني
أنت الذي جيت وأعلنت بلسانك=أنك على شوفتي جايع وعطشاني
صدقت هرجك ومنطوقك من السانك=وفزيتلك مندفع من كل و جداني
ما كنت أصدق يجي في يوم نسيانك=وأنساك وأنته معاهدني ما تنساني
الا بعد ماقريت الكذب فعيانك=حاولت أوادعك وأنسى كل ما كاني
خلاص ماني بمتعني علشانك=ودعتك الله وتلقى واحد(ن) ثاني
أبن مصاول