مرحبا من هواجيسي

الله لايهينكم على التصفيق واشكركم على الحضووووووووووور ولا يهين ابو ركان على التنسيق
وتقبلوووو تحياتي تصبحوووووووووووووووون على خير

المحاورة بتاريخ 10/1/1431هـ

سليط اللسان
مرحبا من هواجيسي ومن ماطرالي=قلتها من صميم القلب ماهي بزلـه
شد حيلك وخلك معي شاعر مثالي=خابرك ياوسيع العرف في كل حله

ملفي الميزاني
البقى من هواجيسي ومن فيض بالي=وكل رجال يعطي دربه اللـي يدلـه
ياسليط اللسان اللي تـدور بدالـي=جيتك بسيفي اللي لاتعزويت أسلـه

سليط اللسان
نصف ساعه تاخرتم على كل حالي=ضاعت الملعبه وانته تخوف في شله
الجزيله لنا وانتـم لكـم الهزالـي=فل علمك يابو ركان فالـدرب فلـه


ملفي الميزاني
من وصل ماتأخر ياكريم السبالـي=والجبل ماتهزه ريح ثابـت محلـه
وابك حنا هل الجزلات ياهملالـي=مير دور اقرب غصن واجلس بظله


سليط اللسان
القحم صايبه ياناس خف وهبالـي=ينحر السيل خل السيل ياخذه خلـه
لو نعد الامور اللي مضت ياحلالي=مالقيت الدروب ولالقيـت الادلـه

ملفي الميزاني
القحم فوق رأسك مثل ردم الخيالي=وانت شكلك على الدنيا كذا دون مله
يالغليم ترى مثلك يجي في ظلالـي=لاتلحـق رجالـن فعلهـم ماتزلـه


سليط اللسان
من يعرف الحقيقه ماضرب فالمثالي=قولكـم حافظينـه دونـه فالمجلـه
تجحد افعولنا مابين عمـن وخالـي=صكو باب المجامل افتحوا في سجله


ملفي الميزاني
من يعرف الحقيقه مايقـول الخبالـي=مير ويش انت من تحت النجوم المطله
لو بشد الحمول ولو بسوق الجمالـي=كيف عينك تشوف وكيف حلقك تبلـه

سليط اللسان
ماتعرف القصار ولا تعرف الطوالي=لغزنا فايتـن وانتـه تـدور لحلـه
الخطاما مسكها واحدن من الرجالي=والله انك ماتـدري عنًهـا ثـم والله

ملفي الميزاني
ياهل الكيف صبو مكرمات الدلالـي=خلو الاجودي يشفي من الوقت غله
لاستحينا وقدرنـا قـروم العيالـي=ماحسبنا حساب اللي خطف حيد ظله


سليط اللسان
من قبلكم مانبغى قهوه شد الرحالي=صايده اقهوتكـم كبهـا لا تزلـه
الرواعي بدت تعطيك حتى المقالي=من يشوف القهاوي عيبها في محله


ملفي الميزاني
تالي الوقت صار الشعر سعره ريالي=كل ماجاك واحد قال انـا بستحلـه
ارفع البندق اللي صار فيها ميالـي=قبل لاشويك شوي اللي على حيد مله

سليط اللسان
ياخصيمي تراي يمين وانته شمالي=ماحفظة الدروب ولا مسكت الاخله
كل من قال انا رجال حط العقالي=لو تكيله عرفت اعلومه المسفهلـه

ملفي الميزاني
وانت مانت بخصيمن لي ولاانته بفالي=كل مالد لـك بالعيـن دمعـك تهلـه
الرجـال بفعايلهـا علـى مايقـالـي=ولاانت لاهاذي ولاذي ولا الفعل كلـه

سليط اللسان
قالـه الله وقولـه مخاطبـة الجهـالـي=حقهم بس سلـم وانتهـى العلـم كلـه
من يخاطب ضعيف النفس يبلش في تالي=قلتها يوم بيت القاف ياقـف فـي الـه


ملفي الميزاني
ياهواجيس شعري صفقي لي لحالي=ولاتردينهـا للناقصـه والمـذلـه
والله اني من اللي يحتمون التوالـي=ووالله انك من اللي تحت ظل المظله

سليط اللسان
والله اني اقوله بـس مالـك ومالـي=شب نارك وخلك جنبها ثـم تصلـه
كان ملفي زعل يضرب براسه جبالي=وكان راضي هذا علمن ترى جايزله

ملفي الميزاني
اكسر البيت خل البيت يمشي عدالي=ابك هذا شعر والا سواليـف شلـه
وصدر ملفي كما موج البحر ياحلالي=ومن يبا ياصله يبطي عظم ما وصله