دكتوره الحب فيه زادت اعراضه=اونس لي اوناس من نومي تصحيني
نارآ تخلي عروق القلب نفاضه=وتجري مع الدم في داخل شراييني
مشاعري في صدوق الحب فياضه= تتبع هوا النفس في حب المزاييني
كنت احسبن المحبه لعبة ارياضه= طبيت فيها غشيم وش يدريني
تزينت لي خبوت الحب وفياضه=وقضيت فيها حوالي عشرة اسنيني
واليومه اشكي عليك الحب ومراضه=ماجيتك الا على شانك اداويني
ماني بعجلان داويني على راضه=وان كان مالي علاج ارجوك كويني
سويبي التجربه لطب وغراضه=تطببي في امانه لاتخليني
هاتي مقص الجراحه قبل مقراضه=سوي جميع التجارب وستغليني
شوفتك خلتني اترك سوق عواضه= قطعت كل العلاقه بينه وبيني
لاكن شوفي معاناتي على راضه=سويلي الفحص من راسي لرجليني