مما التمسته من الناس الذين حولنا ومما نسمعه من حكايات وقصص واصدقاء وكل ما يفتح حديث عن الحظ
نجد الاشخاص دائما يتحدثون عن حظ غيرهم وعندما تساله عن حظه يقول
لا حظي انا شين فا الناس لايذكرون الاشياء الحلوه عن انفسهم بقصد اوغير قصد او لاشياء اخرى فا التمست هذا الشي
حتى في نفسي
وعبرت لكم بهاذه القصيده التي كل من قرئها يقول انهاااا تحكي عنه ....
فستمتعواااا بهااا وعذراً عن التقصير
واحظي اللي للعواكيس معلاق =في كل دربن تنتظرني معوقه
الهم دايم واقفن لي علي ساق=لا جيت ابسلى جاب ذوده يسوقه
حتى السعاده بيني وبينها فراق= وكن التعاسه بس لي مخلوقه
واليوم من كثر العنا خاطري ضاق = حتى ولو قلت المشاعر صدوقه
حدتني الدنيا على غير مالاق = وأمست عيوني بالدموع مخنوقه
والمشكله هم وهواجيس ورهاق =ونفسن من الحض المعقد زهوقه
بيني وبين البهذله ظم وعناق=لين إنحرق قلبي ويبست عروقه
متى على الله يشرق الحض بشراق =ويلحق على باقي اماني تشوقه
العمر راح وترقب العين براق=براق ماندري عن اخر حقوقه
ويالله ياللي في تصرفك الأرزاق =ولولا رضاك النفس ليش مخلوقه
أطلبك بالتوفيق من كل الأعماق =ولطف لعينن نومها ماتذوقه
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
قصيدة جداً راقيه وفخمه ومن العيار الثقيل, وانا أرى انك أختي شويهينه من قصيدة الى اخرى تزيد شاعريتك وتتفجر ..
نص جداً متماسك ,قوي ويذكرنا بالقصائد الفخمه التي نفتقدها.
والله يبعد عنك وعنا الهم ويفرج لكل مغموم ويبتسم له الحظ .
أضحكي للدنيا تضحك لك ,
أبن مصاول
الله يسلمك اخوي وهذا من ذوقك الرائع
امين يارب الله يبعد عنا الهموم
وتحياتي لك
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
ابدعتي في نظم هذه الابيات التي لا يكتبها الا من عاشها فترجمتها احاسيسك الى درر منظومه في عقد من الذهب الخالص .
ابداع ورقي في المعني وتسلسل في الكلمات .
اشكرك ايتها الشاعره المتميزه على هذا العقد الفريد ..
اخوي ابو فيصل اشكرك على كلامك الطيب ياالطيب واعجابك شرف لي
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي