مجاراه للشاعروالكاتب القدير /عبدالرحمن العقيلي

السلام عليكم ورحمة الله وبركاته


أسعد الله أوقاتكم بكل خير ...بعد انقطاع ...فتره عن قصائد النظم ...حبيت ان اقدم لكم
هذه المجاره للشاعر والكاتب القدير/عبدالرحمن العقيلي..في قصيده قام بنشرها هذا اليوم

واستهاظت قريحتي لجمال موضوعها وتوقيته المناسب وهو ذكرى اعدام صدام بقرب عيد الضحيه


يقول الشاعر عبدالرحمن

البارحـه جفنـي تكـدر ولانــام=والعين من سبـة سهرهـا سقيمـه
كله سبب خوفي بعد مـات صـدام=على العروبه من عواقـب وخيمـه
لاعــز لـلاسـلام الا بـالاسـلام=واليـا غفلنـا مالـنـا أي قيـمـه
صدام يذبح وسط تصويـر الاعـلام=وبوش المريكي كل لحظـه جريمـه
وراه مايطلـب ويحكـم بـالاعـدام=ويصيـر للعيـد المسيحـي وليمـه
يابوش ياساس الجرائـم والاجـرام=لابـد مـن وبل(ن)يساقيـك غيمـه
اخترت يوم العيد مـن بـد الايـام=وذبحت نفس(ن)عن سواتك كريمـه
ذبحت لك شخص(ن)مصلي وصـوام=وعذرك تقول انـه جرايـم قديمـه
احسب جرايمك انت واحفظ بالارقام=احسب عسى امك بعد شخصك عقيمه
متـى عرفنـا قبلكـم زرع الالغـام=ومتى تفشـت فالعـراق الجريمـه
يابـوش يامجـرم وسافـل وهـدام=مايتبعـك غيـر العقـول السقيمـه
توعد تقـول النصـر قـدام قـدام=ونصر(ن)يجي من عند مثلك ظليمـه
نصر(ن)يجي من عند عباد الاصنام=ماهوب نصر نقول عـار وهزيمـه
ياالله عسـى مـن لامني فيـك ينـلام=بيت تهدم سـوره والاخـر تقيمـه
طيبك على حصد الارامـل والايتـام=عندك على قتـل اليتامـي عزيمـه
فوق السما حاكم وفـالارض حكـام=وحكامنـا مثـل الجبـال المقيمـه
حكامنـا لاجـات للديـن خــدام=حكام مـن منبـع رجال(ن)حكيمـه
وان كان عندك نية اخلاف وخصـام=قدامهـم تصبـح سـوات البهيمـه

وهذه المجاره المتواضعه

اليوم مابين الدفاتر والاقلام=وعلمٍ غزاء قلبي وصوب صميمه
من شاعرٍ معروف وبصمة ابهام=ابن العقيلي من رجال كريمه
العين تدمع والخشم صابه عرام=وشيٍ بصدري غير ربي عليمه
يومه نظم شعره على موت صدام=وصدام له ذكرى علينا مقيمه
مرة على موته حوال اربع اعوام=وتبقى على خد العريبي وسيمه
وشلون ينسى عقب توثيق الافلام=وكل العرب صارت فميٍ بليمه
الله واكبر قالها قبل الاعدام=عساه فالفردوس يسكن نعيمه
عقبه غداً شعبه عصابات وقسام=وبوش المريكي على ظهره قسيمه
يوم العراقي حط في جسمه حزام=ينزف دم المسلم ويجمع رميمه
وصارالعراق أشلا من جثث وعضام=وبيوت راحت في خراب وهديمه
هذي نتيجة من تواضع للاقزام=يدور مع الغربي قلوبٍ رحيمه
والي يبا للسلم غشته الاحلام=والغرب شتتهم بكذب ونميمه
والخاين الي كان برماح وسهام=يعطي قفاه وهج ذب الخريمه
خاين وفاجروغير كذاب نمام=نيته بين الخلق ماهي سليمه
والي ترك ريمه بلاشداد وخطام=وردت محيمه وصدرتله محيمه
وحنا نعيش بعز وبخير ونعام=شعبٍ على دينه ومحدٍ يضيمه
في حكم ابو متعب على الحق مقدام=خادم بيوت الله وربي يديمه
وأختم بذكر الله وهو خير الاختام=رب أصطفى موسى وموسى كليمه

تحيتي

شاعر بمعنى الكلمة ياماجد

الله لايهينك على هالدرة والمجاراة التي اسعدتني جدددداا
ياالله عسى مـن (لام )فيـك يلـلام
(لامني)
هذا الشطر ناقص حرف في قصيدتي كما يتضح مابين الاقواس
اذا يمديك تعدله ولاعليك امر

وتقبل مروري

تقبل تحياتي

المشاركة الأصلية كتبت بواسطة عبدالرحمن العقيلي

شاعر بمعنى الكلمة ياماجد

الله لايهينك على هالدرة والمجاراة التي اسعدتني جدددداا
ياالله عسى مـن (لام )فيـك يلـلام
(لامني)
هذا الشطر ناقص حرف في قصيدتي كما يتضح مابين الاقواس
اذا يمديك تعدله ولاعليك امر

وتقبل مروري

تقبل تحياتي

حياك الله اخوي عبدالرحمن ....وشكرا على الاطراء والكلام الطيب...ومجارات شاعر

مثلك شرف وفخر...وتم تعديل البيت ...شكراً لمرورك العطر

صح لسان الشاعر والكاتب / عبدالرحمن العقيلي
قصيده رائعه وجزله
وصح لسانك يابو محمد على هالمجاره والقصيده الجزله
وليس غريب عليك وعلى عبدالرحمن الجزاله
شاعرين علمين الله .. لا يحرمنا طلتكم وابداعكم
.

المشاركة الأصلية كتبت بواسطة ابن الشاعر

صح لسان الشاعر والكاتب / عبدالرحمن العقيلي
قصيده رائعه وجزله
وصح لسانك يابو محمد على هالمجاره والقصيده الجزله
وليس غريب عليك وعلى عبدالرحمن الجزاله
شاعرين علمين الله .. لا يحرمنا طلتكم وابداعكم
.

صح بدنك اخوي/ ابن الشاعر وشكراً على الاطراء والكلام الطيب ...والله لايهينك

ولا يحرمنا طلتك ..يالقرررررم

صح لسسسانك ياعبدالرحمن شاعر كبير

صح لسسانك يابو محمد على المجاراه

لاهنتوا

احترامي

صح لسانك أخوي ماجد محمد القحم
مجاراه مميزة وصح لسان الشاعر عبدالرحمن العقيلي

صح لسانك يابو محمد مجراه ممتازه بلاشك مجراة شاعر بحجم عبدالرحمن تضيف الشي الكثير
الله لايهينك ياماجد مبدع دايم وقصيده جزله وانت جزل
تقبل تحيات ,,,,,, ,,,,,,,,ابوحسين

صح لسانك يا ابو محمد ودائماً ننتظر جديدك

صح لسانك ياماجد وبيض الله وجهك

وصح لسان الشاعر عبدالرحمن

ويعطيك الف عافيه .. وبنتظار جديدك