ابو حضين الدلخ والله انهااا.... والله انها تشوق

بنجيب لكم قصة ولا أروع

عن واحد سماه أبوه من عاده صغير أبو حظين

من كثرة حظوظ البزر

والأب اسمه ابو صخر وهو فارس لا يشق له غبار > على ما يقولون

له فرس أصيلة وسيف مكتوب عليه (( ذابح ألف . . عاتق ألف ))

الأكيد مات الأب وأبو حظين قده كبير

وانت يا ابو حظين متين ورخمة > > الله يعز من يقرأ

وعقبه جاته أمه وقالت : أنت رخمة أنت منت برجال . . . قم سو سوات ابوك وافعل فعل ابوك

قام أنت يا ابو حظين وخذا فرس أبوه وسيف ابوه وراح للقوم الأولين

يوم جاهم شافوا الناس السيف وعرفوا ان هذا ابو صخر اللي هم يدورون

قالوا له : يا ابو صخر حنا عندنا قوم كل يوم يغيرون علينا وياخذون حلنا وحلالنا طالبينك أنك تردهم

قال لهم : أبشروا الفزعة > > وهو من داخله يبي الفرقا

يوم جا اليوم الثاني قامت الناس تصيح : القوم القوم القوم القوم

قام هو وركب الفرس يبي يطق ويحط رجيله

ولكن الفرس من أصالتها : تنطح الصوت والقوم > > من فعل أبوه

هو يبي يطق لكن الفرس تنطح الرياجيل

قالوا القوم اللي يغيرون : وش ذا الرجال اللي نطحنا لحاله ؟

قال واحد منهم : طقوا طقوا . . . هذا ابو صخر والله ان هذي فرسه وهذا سيفه طقوا

وقاموا الرياجيل دقوا فوق وتحت وعودوا

ههههههههههههههه

الأكيد يوم عود قالوا له : بيض الله وجهك يا ابو صخر والله انك ما قصرت وعطوه من الغنايم اللي عندهم

وعود لأمه وقال لها : أبشري بالغنايم يا يما

بعد ذلك طمع ابو حظين وتعدى للقوم اللي وراهم

يوم جاهم وعرفوه قالوا له : يا ابو صخر طالبينك حنا عندنا ذيب يجينا كل ليلة وياكل غنمنا وحلالنا ويروح . . . طالبينك انك تفكنا منه

الأكيد قال أبشروا بالخير

يوم جا تالي الليل وصاحت الناس : الذيب الذيب الذيب الذيب

قام انت يا ابو حظين وتذرى من ورا الضلع

في ليلة غدراء . . . هو قاعد يلحق الذيب من ورا الضلع وهو ما يدري

الأكيد أن فيه حفرة في ظلال الضلع . . طاح فيها الذيب . . . ويجي أنت يا ابو حظين يبي يطق لكن وقع في الحفرة اللي فيها الذيب وكسر رقبة الذيب

هههههههههههههههههههههه

وعود عليهم والذيب على متنه وقال : أبشروا بالخير ذبحت لكم الذيب

قالوا له : بيض الله وجهك والله إنك ما قصرت

وعطوه من الغنايم اللي عندهم

وراح لأمه وقال لها : أبشري بالغنايم يا يما

طمع الصبي وقال أبي أتعدى للقوم اللي وراهم

وهو رايح للقوم الأقصين يسمع اثنين يتساسرون بينهم : حط الصندوق هنا

وساعة وصل ولا القوم هذولا طلعوا سحرة

ويجي أمير السحرة كلهم : وين السحرة فيكم

رفعوا أيديهم كلهم وقام هو ورفع إيده

وقال : حنا اليوم خشينا صندوق في مكان واللي منكم ما راح يعرف المكان بنقصب راسه

وكل شوي مطيرين راس إلييييييييييين وصلوا لأبو حظين

قال ابو حظين : أنا ادل الصندوق

ويدليهم على المكان

قال له الأمير : أنت شلون دليت مكان الصندوق . . . الصندوق هذا ما يدله إلا اثنين

ألحين إن كانك ساحر علمني في اللي داخل الصندوق

قال أبو حظين : وإن كاني ما عرفت

قال : قصبت راسك

قال أبو حظين : أجل اسمعني يا طويل العمر

انا أبوي من عادني صغير مسميني أبو حظين بس

حظ خذيته عند ناس غروا عليهم القوم (( وسرد قصته الأولى ))

وحظ خذيته عند كان عندهم ذيب ياكله غنمهم (( وسرد قصته الثانية ))

وأظنها هذي الحظين اللي قال عنها ابوي

يا طويل العمر الدعوة هذه . ..أولها عسل . . . وآخرها بصل

قال الأمير : صدقت . . . الصندوق فيه عسل وبصل

هههههههههههههههههههههههههههههههههههههههه

أتمنى أنها تنال إعجابكم


خـشمان الزغـيبا

يعطيك العافيه خشمان الزغيباء على النقل الموفق ولاكن لمره الثالثه لم تذيل الموضوع بكلمة (منقول )لابد من ذلك ياخشمان

يعطيك العافيه خشمان الزغيباء على النقل الموفق