اسعد الله اوقاتكم اعضاء هذا الصرح الغلي بالفرح والمسرات ...وحبيت ان اطرح عليكم هذه
القصيده المتواضعه ارجو ان تنال........ على اعجابكم ورضاكم
ياهاجسي حضر ونا ابابدع القاف = نبي نفتش في بقايا ملفي
مادام عدينا على راس مشراف = بكتب عسى خط القلم مايجفي
هذ الزمن قاسي وبسنينه عجاف = اليا عدل مشيه يدور ويلفي
الي يشيل الحمل مابين الاكتاف = ولياولع نوره يعود مطفي
الي على منهج رياجيل وسلاف = اليانخيته قام عقبك يكفي
انشد مع العالم عسى مابه خلاف = وراه عن لازم رفيقه يقفي
اوعد على عقب الشهر والشهر طاف = ونا انتظر منهم علوم تلفي
لاهنت ياسري قضينا من الكاف = يكفي نقاسي منه سر مخفي
شفنا من العالم بها جل ونحاف = ونحافهم تقصر عن همام كفي
القلب ولع نار من حر ماشاف = يالله عساها من لهبها تطفي
الهم في قلبي وهو ينزف انزاف = لاصار خله عقب شهر يزفي
اسرفت في حالي وتلفته اتلاف = والقلب عود من حقوقه مصفي
ومادام عدينا على راس مشراف = هذي خفيه من خفايا ملفي
ونهاية المشوار بنهاية القاف = مالله جابرني على طرد المقفي