صابني بالعيون الناعسات الوساع = واثر جرح العيون الناعسه مايطيب
واستزادت جروحي وامر ربي مطاع = حربة الموت بعيونك وجرحي عطيب
قبل وقت الرحيل وقبل وقت الوداع = أضمد الجرح فيني داوني ياطبيب
منك مااقنع ولا يكفيني الاقتناع = عن عيوني بعيد وفي فؤادي قريب
تهت في بحر حبك غصب واللنش ضاع = وأشرقت منك شمسي مانوت بالمغيب
لا تقول المفارق لا تقول الوداع = والله انك حبيبي ماحد غيرك حبيب
لو كلامٍ كتبته في غرامك يذاع = تكتفي موجة mbc بشعر الأديب
لو غرامك يصيب أعلى الجبال ارتفاع = كان يصبح على الأرض متساوي عجيب
حب عفه شرف مايعترض للضياع = أعني انه على الحساد شيٍ صعيب
لاتضايق ماباقِ الا طواف الوداع = ويكمل الحج يابختك وبخت النصيب
التعديل الأخير تم بواسطة سالم رباح ; 29 - 04 - 10 الساعة 11:25 PM