قصدة الشيخ /باين الزنغوب

قصيده من روائع الشيخ /باين وسمي الزنغوب والقصيده تعبر عن معناها اتمنى أن تحوز على رضاكم واستحسانكم

عنيتني يالقلب مالله معنيك=وراك تسهر والخلايق رقودي
عمر الصبى روح ولاعاد يمديك=ولاني على بعض العلوم محدودي
الشيب عانه والكبر من مواريك=واليوم في رجليك مثل القيودي
يانجد وين اللي من الخوف تحميك=منزالهم بين الجبل والنفودي
يوم البيوت السود تنزل مراعيك =ويرفعون اطنابها بالعمودي
من يوم راحو عنك نبغا نعزيك = ماكنك الا من ذخاير جدودي
دارن مربيني وابويه ربا فيك = يوم الجهل قدام حكم السعودي
ياما رعينا بالعشاير مطاويك =في خبةً فيها طمان وسنودي
ومن لايحب الدار مثلي ويغليك =لقولله ملعون ولا يهودي

صح لسان الشاعر باين بن وسمي الزنغوب وقصيدة كما قلت يا متعب رائعة من روائع هذا الشاعر الذي ينقصنا الكثير من قصائده..نرجو إمدادنا بها

في عجز البيت الأخير هناك كلمة او حروف ساقطه نرجو مراجعة العجز وتعديله

اخو ي ابن مصاول صح بدنك اولاً وثانياً اعتقد ان الشاعر من باب الولاء والمحبه لدياره الذي عاش فيها يرى ان الذي لايعطي الولاءوالمحبه لبلاده يصفه بالوصف الذي قاله في القصيده
ولكنها وجهة نظر لأكثر ولاأقل ونحترمها ونقدرها

صح لسان الشاعر باين بن وسمي على القصيده المعبره عن حب دياره الغاليه عليه والله يطول بعمره والف شكرلك اخي متعب الزنغوب على النقل الرائع والموفق لاهنت يالقرم

صح لسان الشاعر باين الزنغوب

ويعطيك العافيه اخوي متعب ع النقل

صح بدنك ياعز الخوي وانشهد انك عز الخوي قول وفعل وصح لسانك يابن صحران على ذائقتك الشعريه ومعرفتك للشعر والشعراء وتقبولي مروري

صح لسان الشاعر

صح لسان الشيخ الشاعر باين وسمي الزنغوب
والله يعطيك العافيه على النقل أخوي متعب الزنغوب

صح بدنك ياملكة القوافي