خلوني اسج عن هرج الغثا كله=وسكر السمع عن قولة يقولوني
مافيه مخلوق مايسلم من الزله=واللي يبا يتابع الزلات مجنوني
وانكان صبري على زلاتهم ذله= ياليت كل البشر مثلي يذلوني
من شان نقطع جذور الغيض والعله=وتصير سود النوايا بيض هالوني
ابيض من الثلج كل اقلوب خلق الله=وهل النمايم عساهم مايثنوني
اهل النمايم تراهم مالهم مله=في كل مجلس يحطون ويشيلوني
ويالله ياللي عباده تسجد ارضله=ياللي على امره يصير الشي ويكوني
ترفع مقامي وتبعدني عن الشله= وتعزني عن رفيقن خيب اضنوني
اللي ليا جيت كني املكه كله= لاشفت ضحك الحجاج ولمعة اسنوني
ولقفيت قامت شياطينه اطبله=بسيوف سود النوايا كثر اطعوني
لو كان ماهو بلاقي في علي خله=نقاي مضمون مثل الموت مضموني
ولصار فعلي مايرفع روس عبدلله=اعيش جابان وارضا الذل والهوني