بسم الله الرحمن الرحيم أترككم مع هذه القصيدة آللتي تحكي آلوآقع
في ها الزمن لا صار للشخص حاجه=شفته معك وافي ومخلص ويغليك
ولا من خذا حاجته عقد حجاجه=ما كنه اللي قبل يوم ٍ مصافيك
اللي مثل هذا ...عرْفه سماجة=البُعد عنه أبرك من أنه يخاويك
والصاحب اللي مايعكر مزاجه=تلقاه في وقت الشدايد يباريك
هذاك طب القلب وأيضا ً علاجه=أنشهد أنه وقت حاجتك يغنيك
ولا الردي مكسبك منه عجاجه=أما يغثك أو عن الدرب يعميك
مهما عطيته مايعدل عواجه=( وتراك لا قفيت صار يحكي فيك )
خلك عزيز النفس " قضاي حاجه "=للي أذا بار الزمن ما يخليك